Read Wancho Naga Nehemia 7 Bible Online

Nehemia 7 - Wancho Naga bible

Nehemia 7

¹Athax katuk zaile alai, kahakbu onui ma apütle tsuak, ilaxle Zangshwom-Hom nyetmixbu, otsao tsaingaomixbu thom, ilaxle Liwi hwom, ibu pangnu ang ma mwot-mwot ahanle kox.

²Jerusalem tingnu apün-adakya mwot to hu ang kue mixhuak anyi ang hünlit koxle thom. Okhi a: Ku nao Hanani hia Hananiah nyi, hokhi a zanhule ngokya süpahibu alixachong hwom khama kaxtom fakya nyi changkya. Hananiah a chix füi apyen angkya owa jao chitüile Zang thuazakya hia Tsai-kax tikle tüikya mix changkya.

³Zangngai müile machangba Jerusalem angkya fülombu chidap angkya ilaxle zanghan dütle zangnak sheme, ibu angkya zanhumixbu machatba wüi haklaxle ajale among tox angkya kue hwom füi akaxle thom. Ilaxle Jerusalem ma ngokyabu kha angkya wüi nyetmixbu kam laxle hwomkha angkya ozüita akhaxle jongtakha nye angkya ilaxle mamabu a ma homzuibu akhople zanhule aham angkya kue hwom ang kaxkox.

⁴Jerusalem a tüle chongkya tingnu tuita, ikoxlechu ikhama khünaknu alüile chitüikya, ilaxle hom-haxbu zaikyachu mabaktsuak.

⁵Hwom kako-kako akhi-takle hu angkya hanpakma khünaknu hia lompabu tamchu alixachongbu sele asox angkya hanpakma Zang-e ku mongkho ma adünle fa. Zanda ang ngokya pongwang ma chatkyabu bama laiza thomkya kue lomle atak, ilaxle kue atakkya a ija changle:

⁶Zanda ang ngokyabu huanuma Babilon nok dantoxlaxle Jerusalem hia Judah to chatle, hwom pangwüi ma tingshosho lomle ngui. Ibu kako-homkhabu a, Wanghompa Nebukadnezar-e kople paokya nyix makhange, Babilon nok to zanda ang ngole hüikyabu changkya.

⁷Hwom lompabu a Zerubbabel, Jihusua, Nehemia, Azariah, Ramiah, Nahamani, Mordekai, Bilshan, Mispereth, Bigwai, Nehum, hia Banah hwom bibi changkya.

⁸Ija a Israel nok saxthombu mün, saxthom foto mixhuak akiakle zale kopkyabu changle: Parosh - 2, 172 Shefatiah - 372 Arah - 652 Pahath Moab (Jeshua hia Joap nyi su-sa hwom) - 2, 818 Elam - 1, 254 Zattu - 845 Zakai - 760 Binnui - 648 Bebai - 628 Azgad - 2, 322 Adonikam - 667 Bigwai - 2, 067 Adin - 655 Atar (Hezekiah lechuwüi nyakle) - 98 Hashum - 328 Bezai - 324 Harif - 112 Gibeon - 95

²⁶Tinglong ibu ma ngole hüikya putong hwom su-sabu chuwüi chat: Bethlehem hia Netofath - 188 Anathoth - 128 Beth Azmaweth - 42 Kiriath Jearim, Kefirah, hia Beroth - 743 Ramah hia Geba - 621 Mikmash - 122 Bethel hia Ai - 123 Mama Nebo - 52 Mama Elam - 1, 254 Harim - 320 Jeriko - 345 Lod, Hadid, hia Ono - 721 Senah - 3, 930

³⁹Ija a zanda ang ngokya chatkya nguapabu saxthom: Jedaiah (Jeshua sixli hwom) - 973 Immar - 1, 052 Pashhur - 1, 247 Harim - 1, 017

⁴³Liwi saxthom angkya zanda ang ngokya chatkyabu: Jeshua hia Kadmiel (Hodawiah su-sa hwom) - 74 Zangshwom-Hom ma tsaingaomixbu (Asaf su-sa hwom) - 148 Zangshwom-Hom nyetmixbu (Shallum, Atar, Talmon, Akub, Hatita, Shobai, ibu su-sa hwom) - 138

⁴⁶Zangshwom-Hom ma mwotmixbu saxthom khama zanda ang ngokyabu chatkya: Ziha, Hasufa, Tabbaoth, Keros, Sia, Padon, Lebana, Hagaba, Shalmai, Hanan, Giddel, Gahar, Reaiah, Rezin, Nekoda, Gazzam, Uzza, Paseah, Besai, Meunim, Nefushesim, Bakbuk, Hakufa, Harhur, Bazluth, Mehida, Harsha, Barkos, Sisera, Temah, Neziah, hia Hatifa.

⁵⁷Solomon dabu zanda ang ngokya chatkyabu: Sotai, Sofereth, Perida, Jalah, Darkon, Giddel, Shefatiah, Hattil, Pokareth Hazzebaim, hia Amon.

⁶⁰Zanda ang ngokya chatkyabu khama Zangshwom-Hom ma mwotmokmixbu hia Solomon dabu pangwüi athütkya khünak huak 392 tüikya.

⁶¹Delaiah, Tobiah, hia Nekoda hwom saxthom ang tuina 642 tüikya. Hwom a Tel Melah, Tel Harsha, Kerub, Addon, hia Immar tingnubu angkya chatkyabu; ikoxlechu hwome hwom a Israel nok changpule aho ang chitho.

⁶³Ibibi zompu-zangpabu saxthom hwome, ibibi khünak a hwom putong hwom changpu lükya tsaitong-kaxza chiataktsuak: Hobaiah, Hakkoz, hia Barzillai. (Zompu-zangpa Barzillai saxthom hwome Gilid angkya Barzillai saxthom angkya wüi shekobu ma kako ang lax ilaxle oho hwom mün tswonle ngo.) Hwome hwom putong hwom opang changkya hex aho ang chithokya khoma, hwom a zompu-zangpabu khato chilax.

⁶⁵Jehudi nok Gowarnor-e, Urim hia Thummim to twon angkya nguapa tuita hwom khama matüi tanto hwome Zang ang koxkya tö kha angkya sax ang münthoüile akax.

⁶⁶Zanda ang ngokya chatkyabu pangwüi athüt koxle khünak huak - 42, 360 tüikya. Hwom da: sheko hia lükabu athüt koxle - 7, 337 ibibi Tsaingaomixbu sheko-lüka athüt koxle - 245 ibibi Manbu - 736 Mansabu - 245 Utbu - 435 Mantsakbu - 6, 720

⁷⁰Khünaknu süchong tukuxe Zangshwom-Hom zaile alaikya to bakkya thathom angkya hanpakma asunle hüi: Gowarnor-e chakpuix — 270 — hun kox — 50 — zomzing ma twon angkya khupbu kox — 530 — zompu-zangpa nyilobu kox — Saxthom lompabue — 337 — paon hun kox — 3, 215 — paon khop kox — Mama khünaknue — 337 — paon hun kox — 2, 923 — paon khop kox — zompu-zangpa nyilobu kox

⁷³Nguapabu, Liwi hwom, Zangshwom-Hom nyetmixbu, tsaingaomixbu, mama zangjang khünaknu huanuma, Zangshwom-Hom ma mwotmokmixbu—Israel khünaknu— Judah angkya tingnubu ma ngole tüikyabu pangnu.