Read Wancho Naga Laipao 1 Bible Online

Laipao 1 - Wancho Naga bible

Laipao 1

¹Jakop sasün hwom chix füi tomle Ijip nok to, ma kakoko koplaxle kakyabu a,

²Reuben, Simeon, Liwi, Judah,

³Isakar, Zebulun, Benjamin,

⁴Dan, Neptali, Gad, üntoxle Ashar hwom bibi changkya.

⁵Ibu khünak Jakop makhange küithole hüikyabu a mixhuak puzombün changkya. Sasün Jusep a Ijip nok to tüingoünkya.

⁶Namngo-ngokya füima, Jusep, chixtui-chixnao hwom, ilaxle hwom sixli komkaile zile pao.

⁷Ikoxlechu hwomsix-hwomli, Israel khünaknu müimamale pu-tsale hüi. Ijip haxtok hwom-hwome wüi awangle tüle tsak-zongle hüi.

⁸Ofüima, wanghom hozün, Jusep owahex ija jaojao chitikkya tuitae Ijip haxtok apün.

⁹Chixe chix khünaknu ang thüi: “Ibu Israel khünaknu a huanuma pu-tsale tamchu zaxzangle hüile. Ija bama kem ang khünzai angkya olom tuita tüile.

¹⁰Achax-azanle changpongma hwom kem zan to ka ang zan-nok füito sele chang ang tsuak, ilaxle kem chaxwan angkya paole chang ang tsuak. Keme hwom othüt chitüile pu-tsale hüikya azak angkya olom atak angkya wüi changle.”

¹¹Idaile Ijip noke hwom thakma, atsangle hwom ang mwot amokle zoshun ang tom angkya hanpakma, hwom mwot akhi angkya khünakbu kamle dan. Wanghompa hanpakma thalex-juatai otong ang lax angkya hanpakma Israel khünakbue Pithom hia Rameses tingnubu zingle alai.

¹²Ikoxlechu chemtukux Ijip noke hwom to sikangünpuix itukuxle Israel khünakbu sisile tsale chaxwan khao jaojao awangle hüi. Ijip nok ang Israel nok thuaza angkya hato ahüi.

¹³Ikhoma hwome Israel khünakbu ang mwot atsangle amok laxle chingcha ashukle da chifün ma ngo ang tom. Hwome Israel khünakbu ang haxzai-homzai hia haxtok manzai to lünle atsangle amok.

¹⁵Ofüima Ijip nok wanghompa-e, Ibri khünak naotswonnu, Shifrah hia Puah nyi füi akax.

¹⁶Chixe thüi: “Chemtue hünkhie Ibri khünakbu sapux-naopai to asunle changpuix, lüka naosa jangchangba, ija nao langle awütdao; ikoxle ija a shekosa jangchang, taxlang.”

¹⁷Ikoxlechu ija naotswonnu nyi a Zang thua zakya mixcha nyi changkya, idaile hokhie wanghompa kax ma chilax, ikoxle lüka naosom azün.

¹⁸Ikhoma wanghompa-e ija naotswonnu nyi sele apüilaxle atüi: “Hünkhie ija chem hwonpu? Lüka naosom chilangle büthüikoxle ozün ma toxpu?”

¹⁹Okhie lan: “Ibri shekobu a Ijip shekobu ningle münchang; hwome naosom ochwon ma ngünle, ikhoma hwom naosombu a kukhi opupuchu manguiba wüi puxdaole bangle.”

²⁰Naotswonnu nyi a Zang thuazakya mixcha nyi daile hokhi füi Zang mongzom müi ikhoma hwom pu-tsa ang tom. Israel khünakbu chizakle pu-tsale tüle zaxzangle hüi.

²²Oshukma wanghompa-e chix khünakbu pangnu hato ija kax kox: “Lüka naosa apuxpux koplaxle Nail shuanu to tswonle awütle lang kox, ikoxle shekosasa dantoxkox.”