Read Wancho Naga Laipao 25 Bible Online

Laipao 25 - Wancho Naga bible

Laipao 25

¹JOWANPAe Mosa ang thüi:

²“Israel khünaknu ang ku to tö angkya akaxkox. Owae chemningkya koxse tsupuix, tö koxkya ma lax ang pangwüi pongle kopkox.

³Tö koxkya a ibu chang angkya oli: Hun, khop ilaxle janjong;

⁴jaknyi müikya: hinghingkya, khikhikya, akhikya muzi; zwon mu makhange zingkya nyi;

⁵azandaokya chun khwon; müikya müikhwon; akasia pün;

⁶wüntik ma lax angkya wünti, ongan ang lax ang so; pa angkya hanpakma münga;

⁷Nguakho nyitua hia chix Suakwex-nyi ma apüt angkya hanpakma onik long hia mama likwün otha lixkyabu laxüi.

⁸Khünaknue ku hanpakma otsao Nyihom tuita zing angkya wüi changle; ikoxle tix ku hwom khato ngo ang thoüi.

⁹Kue nang ang ahokya mwottho ningle ija ashuk-azale zingtsuaklax.

¹⁰“Akasia pün makhange suak tuita zinglax; olwot ma sok anyi su ta, okhao sok ta su ta ilaxle ochuak ma chu sok ta su ta tsuale zinglax.

¹¹Ija to otok howok pangnyi chima hun füi chwoplax ilaxlechu hun füi wüi okax-okho khomle komkox.

¹²Nwonle aham angkya hanpakma chu hun makhange wüi oka ali zinglax ilaxle ibu a ocha ali füi asop-apongle zinglax.

¹³Azial-e aham angkya hanpakma Akasia pün makhange dang zinglax ilaxle ibu to hun füi chwoplax.

¹⁴Ilaxle ibu a suak atatle oka ma awünle zwotlax.

¹⁵Dang ibu a oka ma awünle thom angkya changle, ibu chialaiüi.

¹⁶Ifüima kue nang ang koxkya longkhao anyi ija suak mong ma sholax; ija longkhao a ku kaxtombu zale tüikya longkhao changle.

¹⁷“Ilaxle nange hun tsao-tsao füi chingcha ngwotnui zinglax; olwot ma sok 110 ilaxle okhao ma sok 66.

¹⁸Hozang anyi füikya zünmok zinglax; ija a hun tsao-tsao thuple zinglax.

¹⁹Cherubim tuita a kaochima ilaxle tuita a kaochima le zinglax; ija chingcha ngwotnui tata füi asople pangnyi tua komle cherubim zinglax.

²⁰Cherubim nyie tata hato thün ahole changüi ilaxle hokhi zang pünle changkyae chingcha ngwotnui to ole chang angkya oli.

²¹Nange ija chingcha ngwotnui a Tsaotsüt Suak dingma danüi; ilaxle ija suak mong ma kue koxkya Tsaotsüt longkhao shole thomüi.

²²Nang füi ku ikhama apongüi, ilaxle chingcha ngwotnui dingma, Cherubim nyi ba makhange, Israel khünaknu hanpakma wanlom pangwüi kue nang chak ma atwonle koxüi.

²³“Akasia pün makhange tsap tuita; olwot ma 88 sentimitar, okhao ma 44 sentimitar ilaxle ochuak ma 66 sentimitar tsuale zinglax.

²⁴Ija to hun tsao-tsao füi chwoplax ilaxle hun füi okax komle changlax.

²⁵Nange ija to chakbap tukux khaole okax komle laxkox ilaxle ija okax komkya to hun achuklaxle likox.

²⁶Ija azya angkya hanpakma oka ali zinglax ilaxle ibu ocha apütkya tang ma ozong afikle apütkox.

²⁷Ija tsap azya ang apütkya oka a okaxkom ma namle chang angkya oli.

²⁸Ija nwonle thom angkya ochabu a Akasia pün füi zinglax ilaxle ibu to hun füi chwopkox.

²⁹Grep ju thok angkya hanpakma khua, wansa, tikkux üntoxle khuatsum, ibu zinglax. Ibu a pangwüi hun tsao-tsao makhange zinglax.

³⁰Ija tsap a Tsaotsüt suak tunthoma dan angkya oli, ilaxle ija suak dingma ku ang tö koxkya otsao an jento thom angkya oli changpu.

³¹“Wüntik dan angkya lotsap tuita hun füi zinglax. Ija ochifa hia tomplo hun füi thuple müile zinglax. Ija aza-apua angkya maipuabu, osok hia maipua chakbu füikya, ija tomplo ma wüi zaile laxkox.

³²Ija angkya okangbu azok laiüi, kaopong ma azom pong.

³³Ibu pünkang azok pangwüi ma osok hia maipua chak füikya almon maipua puale ngokya ningle aza-apuaüi.

³⁴Wüntik lotsap cha ma osok hia maipua chak füi almon puale ngokya ningle aza-apuaüi.

³⁵Pünkang anyi fang-fang ma osok tuipong tüiangkya wüi.

³⁶Osokbu, pünkangbu, ilaxle wüntik lotsap pangwüi a hun tom tuita makhange thuple zingkyabu chang angkya oli.

³⁷Lotsap hanpakma wüntik anüt zinglax ilaxle thüntho chito nyan ang ibu danlax.

³⁸Ija hanpak ang khap hia khuakhaobu hun tsaotsao makhange zinglax.

³⁹Wüntik lotsap hia ima lax angkya tui pangwüi zing angkya hanpakma hun tsaotsao tuak aga laxlax.

⁴⁰Ibu a kue nang hama haxnukho to adangle fadaokya ningle zing ang thüilax.