Read Wancho Naga Laipao 31 Bible Online

Laipao 31 - Wancho Naga bible

Laipao 31

¹JOWANPAe Mosa ang thüi:

²“Judah homjen angkya Hur hosu, Uri sasün Bezalel kue kamle kopdaoa.

³Kue chix to kutsak-kuzong füi awangle chang ang tompu. Kue chix ang tsing-wankya, man-ngünkya ilaxlechu chakzing mwot pangwüi moktsuak angkya zong koxpu.

⁴Ile chixe hun, khop hia wi janbu füi küjo-küjele zing ang thoüi.

⁵Chixe ibu zütlaxle likwünbu zing ang thoüi tamchu pün zütle zing angkya hia mama chakzing mwot komle mok ang thoüi.

⁶Chix füi tomle mok ang kue Dan homjen angkya Ahisamak sasün Oholiab zünle kopdaoa. Tamchu kue mama zingpabu ang tsak-zong tüle koxdaoa. Ile kue zing ang atomtom hwome zing ang thoüi.

⁷Ku ngwotnui Nyihom, Tsaotsüt Suak ilaxle ija tüikya chingcha ngwotnui, ilaxle Nyihom aza-apua angkya pangwüi,

⁸ikha angkya tsap hia ija ma laxlili pangwüi, hun tsao-tsao füi zingkya wüntik lotsap hia ija ma laxli pangwüi, ongan müikya so zokle tö kox angkya tö-tsap,

⁹zokle ashunkya tö kox angkya tö-tsap üntoxle ija ma laxli pangwüi, cha-chak so angkya khuatsum hia ija dannui,

¹⁰hwome zomzingle ngua mwot mokpongma lax angkya Arun hia chix sasün hwom kux, tüle müile aza-apuale tüikya zompu-zangpa nyilobu,

¹¹pale atsao angkya münga, ilaxle Otsao Nui hanpakma ongan müikya so. Ibibi mwot zingpongma hwome, kue nang ang kaxtom koxle changdaokya lailaile zing angkya oli changle.”

¹²JOWANPAe Mosa ang, Israel khünaknu füi akax angkya,

¹³kaxtom koxle thüi: “Ku hanpakma Sabath nyix thomlax, chemthüikoxle ija a hünzom tamchu ku, kem bama athax füichi hanpak ang jento münwan tuita ang changpu. Ija makhange hünzom a, JOWANPA, kue ku khünak ang zingdaoale aho angkya changle.

¹⁴Hünzome nazakle nuikya nyix thomlax, chemthüikoxle ija a otsao changle. Owawae ija nyix chithom homtoxle mwot mokle jangchang, ija khünak a mik max ang tom angkya oli.

¹⁵Ma mwot mok angkya hanpakma hünzom ang hanpak nyix azok tüipu, ikoxle anüt lükya nyix a ku hanpak ang süile atsao thomkya nyix changle. Owawae ija nyix mwot mokle jangchang thüiningle chix a mik amüt angkya wüi changpu.

¹⁶Israel khünaknue ija nyix a Tsaotsüt münwan ang thom angkya oli.

¹⁷Ija a Israel khünaknu hia ku, le kem bama jento ngo angkya münwan changle, chemthüikoxle JOWANPA kue, ding-hi-hax, nyix azok mong ma zingle alailaxle nyix anüt lükya to mwot danle nazak laxpu.”

¹⁸Sinai haxnukho to JOWANPAe Mosa füi zangwünkya tsuak füima, Zang chix jaoe wanlom kaxtombu zalaxle tüikya longkhao anyi Mosa ang kox.