Read Wancho Naga Job 10 Bible Online

Job 10 - Wancho Naga bible

Job 10

¹Ku ozün ma ngokyae ngomüna. Ku mongma zangwün to apahüi.

²Zang, ku thajao-wünhaile taxchangünfa. Ku ma kafekya zangwün ku hama wünfa?

³Nang ipongpongle mongtsik angkya asukya changcha? Nange ma chakzing ajao angkya changle lea? Chichangchizangbu mwot chanyi angkya changle lea?

⁴Nangechu jali to kwome hukya lailai wüi hupia?

⁵Nang tsünchu kwom tsün lailai wüi mox pia?

⁶Chichangba ku ochax otong bakle büthüi ang thongo? Ku thaidaokya pangwüi büthüikoxle to-zile ngo?

⁷Ku ma thaikya chemchu müntüi, nang thoto ku owaechu khom ang müntho, ija nange awan ngopu.

⁸Ku a nang chak füi zingle jaokya changpu, Athax a chak ibu füi ku amüt ngopu.

⁹Nange ku kom; füi zingkya changpule texle ataklax; tamchatle ku haxbu ang achangle thuple akhix anghi?

¹⁰Ku pai angkya hanpakma apa ang tsak-zong nange koxpu; nange ku anu wok ma tsong ang tompu.

¹¹Nange ku tompo za hia zixbu füi zingpu, zabu to hakjem hia khwonbu füi chwoppu.

¹²Nange ku ang othuithuima khüzün hia mongkün koxpu, nange apu-achangkya matix ku ozün ma ngopu.

¹³Ipongma nange huxsa ma ku to chakmok-janlang angkya, olom zingle ngodaongünle athax kue awandaoa.

¹⁴Nange ku ang thailak müntüiüi e thüikuxmale, ochax lyenkya ngün ang cha ang ku to hule ngopu.

¹⁵Kue ochax lyenkya füishemle künyi bama wonma, ikoxle kue sukya mwot mokkya zuma chem münmüikya chikop. Ku a chingcha ashuk üntoxle thünzak füi chwople tüile.

¹⁶Kue tütali tho-lünle jangchang, mailang lailaile nange ku to-zile amüt; ku mong ama ang nange ohünotün mwot ngaxchu mokpu.

¹⁷Jento nange ku ma tsaitox-kaxfe angkya tüilengo; ku tokya nang mongtsik sütsong-tsongle tsongngo; nange othuithuima ku-zan to ka ang lom hozünzün zingngo.

¹⁸Zang, nange ku büthüikoxle pux-pai ang tomkya? Owawaechu mangünba wüi ku zidaosepa.

¹⁹Anu wok angkya tangthole zuk-khato to le-koxwüi, ojao chitüikya füi tomwüile müihusepa.

²⁰Ku tsün ashukkya changpuix nyi? Ku tata danfa! Toxdaokya hanpak füi ku mongmüi ngo ang danfa.

²¹Ku chwonle wüi paoüi, ilaxle chatle tam münchat. Zangnaktuk üntoxle mongko chidongkya chaxwan to,

²²zangnaknu, chaxba, khopi-napakyae awangle tüikya, zangngai jaojao chu zangnak angwüi ngokya chaxwan to.