Read Wancho Naga Job 11 Bible Online

Job 11 - Wancho Naga bible

Job 11

¹Iningkya tsaingat-kaxngui to owaechu münlanpuix texpia? Zangwün lüikyae khünak tuita chithaikya mix ang achangle texpia?

³Job, nange nang kax to lan ang münthopule texpia? Idu thajao zangwün füi kwom adang thoüile texpia?

⁴Nange chem wünpuix ija changkyakya wüile laxtüi; Zang mikngün ma nang tsaothale tüile le nange laxtüi.

⁵Ija nang zangwün to Zang-e namlan koxse!

⁶Khünak jetüi-hwonlang angkya olom müimamale tüihule, malom-malom je-hwonbu bama chixe nang hama wünle koxse. Zang-e nang ang nange kopse zia füi ahikle sikngün fapu.

⁷Zang chongkya üntoxle chix tsak-zong bama, othüt hia wankam nange lomle atak tho ang cha?

⁸Zang hanpakma zangding ma chem othüt müntüi, ikoxle ija to nange alop ang müntho. Amalum-fang tokya omang chaxwan Zang-e awan ngopu, ikoxle nange ija chitsing.

⁹Zang tomchen a haxwan füi süchong, tinu füi khaole tüile.

¹⁰Kop üntoxle Zang-e nang kaxfün nui to apüile jangchang, chix abaxle tui angkya owa tüi?

¹¹Chilaxli khünak owahex ija Zang-e awanle tüile; chixe hwom ochax mwot pangwüi ngünle tüile.

¹²Chemle fao mantsak tsom-müi jaojaole puxpuix, ilailaile ongatbue je-tüikya ningle owang wangüi.

¹³Job, nange nang mong changle thomlax. Zang hato chak thüilax.

¹⁴Ochax hia thaikya nang kako füi atsai ang tomlax.

¹⁵Ilaxle shingmongle hia mongchen makhange, chaxwannu füi tamchatle aponglax.

¹⁶Ifüima nange chialak tsuakse sikngün pangnu alaküi, ija a lekya füima alakle asamkya tichen lailaile changüi.

¹⁷Nang khüzün a tungto senyan füichu sünyanle changüi, Tsün ma zangnaktukkya onox a dün-nyan ningle achangüi.

¹⁸Nang tsün a ziakop ma okhonguikya monghom füi ngoüi; Zang-e nang kho awa thomüi üntoxle mongnazakkya koxüi.

¹⁹Nang a zanpabu thua za-ngo angkya chemchu müntüiüi; Khünakbue nang ang hwom to fonghüile thüiüi.

²⁰Chichangchizangkyabue khosamsüile pangnu chito huüi, ikoxle azang angkya olom chingünüi. Hwom monghom a zik hüi angkya tata wüi changüi.