Read Wancho Naga Job 13 Bible Online

Job 13 - Wancho Naga bible

Job 13

¹Hünzom zangwün kue kaiwüi atat laxdaoa. Kue ibu pangwüi tsingle; hünzome tsingkya tukux kuechu tsingle. Ku a hünzom füi ahixkya le münchang.

³Ikoxle ku alakya a Zang füi alawüi, hünzom füi alakya münchang; kue ku zangwün bama chix füi alat-se texwüi.

⁴Mae chiman-chingün koplaxle, ija to hünzome othai füi chwopdaoa; hünzom a owa kak ngaxchu chiamüithokya kakzingmixbu ningle changle.

⁵Owawae hünzom to jetüi-hwonlang mixle naxhufa ang zangjao chiwün homle shong-ngolax!

⁶Kue ku sikngün mo wünponge müile apakoplax.

⁷Hünzome büthüikoxle atsepu? Hünzom atse koxle Zang ang olüi tüiüile texpia?

⁸Hünzome chix khose ang azong ngopia? Hünzome chix füikya zangwün bama khwa to tse-atwonüi hia?

⁹Zang-e hünzom to soxle janghuba oli tuita müikya atak angcha? Hünzome khünak angatkya ningle Zang chuwüi angat ang thoüile thütpia?

¹⁰Masüi-mixlüikya hünzom mwot pyenle tüikoxchu, Chixe ija achangle chizing homle müntox.

¹¹Ilaxle chix tsak-zonge hünzom to münhat lea?

¹²Hünzome apyenkya wanwünkaxbu laxli chitüikya haxkhixlabu thatha; Hünzom zangwün a muakya komhaxkhixbu thatha.

¹³Kue zangwün ang shong-shanhüi, taxpu; Zangwün oza chemle laisehex ile lai ang tomkox.

¹⁴Ku khüzün bama hünlit lax ang ku achwonle tüile.

¹⁵Ku monghom pangwüi max füima Zang-e ku lang koxpi chemthüi? Kue ku zangwün chix hama wün angkya changale.

¹⁶Chichangchizangkya mix owachu Zang füi apong ang mong chichongtsuak; Ikoxchu ku mongchong koxle ku khang azang ang a tsuaktüilax.

¹⁷Athax kue akhix-akhanle wünkya ku kax to apahüi.

¹⁸Ku zangwün tse-atwon ang ku achwonle tüile, Chemthüikoxle ku a münthaile kue awanle ngole.

¹⁹Zang, nang ku ma kaxhuxfe ang ngui angkya lehi? Nange ile jangmok, ku a dangjajale zi ang achwon tüile.

²⁰Kue kax li-anyi atüifang; ibu to nange changle le thüihüi; ku nang thoto azwon ang mün-azongüi;

²¹Ku zothupkya shong-zak-hüi; künbüt-mongban füi ku thule taxasyep.

²²O Zang, nange shong-akaxhüi; ilütix kue nang kax to lanüi. Chichangba kue akax kop-hüi ang, ilaxle nange ku kax to lanhüi.

²³Ku ochax a chempangsa? Kue thaikya chem mokdao? Ku ma chem mikmüt tsaihux-kaxhux fepu?

²⁴Nange ku büthüikoxle tsiakpu? Nange zanpa tuita to hwonkya ningle ku to büthüikoxle hwonpu?

²⁵Nange ku aza-ana ang azong pia? Ku a pünchak tuita; nang a muakya tsaxkua zan to kangopu.

²⁶Ami kue naosa ma mokdaokya to lün; nange ku hato khaxkya hux fyet apüipu.

²⁷Nange ku cha ma janbüi füi akale; ku chikap foto nange hule ngole; ku chamanbu to ngaxchu khile hungole.

²⁸Ija khoma ku a, pünbui lailaile, Shikshak-shikshem le ku a saxfoe saxdaokya nyinu lailaile.