Read Wancho Naga Job 14 Bible Online

Job 14 - Wancho Naga bible

Job 14

¹Kem pangwüi chem tsak-zong chitüile puxpu. Pangnusa hato wüi sikngün oli tuitata wüi nguipu.

²Maipuabu lailaile kem akhangle tsong, lebama wüi hüile paopu; Chaxba lailaile kem sün-ngün chikople sampu.

³Zang, nange ku to hulanle ngaxchu hu ang cha? Chichangba tsaitik-kaxsho laxletix, kaxfün fale chang angcha?

⁴Khünak chitsaokya ningle, tütali chitsaokya makhange, tütuechu tsaokya oli tam-ngaiüi münchang.

⁵Chix tsün ngo angkya lyetkua-zangpua hia tsün-lwot, Kaiwüi tex-hi-tiale thomdaoa. Tsuakdaokya ija nange lüi-chüi angkya münchang.

⁶Chix to hule chingole chix tata dantoxdao; Kwom sikngün khüzün füi kwom mongzom müi ang tomhüi.

⁷Dakdaokya pün chatle azangtsuak angkya changle; ija chatle azang üntoxle osong dong ang tsuak angkya changle.

⁸Ija püntsing azule chang koxlechu; ija pünponu haxkha to ziünkoxlechu,

⁹ti makhange ija pündom ang achangle chui ang tsuak.

¹⁰Ikoxle khünak tuita zile jangchang, ija a chix hanpakma oshuk changpu; chix zi füima athax chix ojong ma tüi?

¹¹Tijen zakdaokya shuajenbu ningle, tamchu ti zanünkya thommütbu ningle;

¹²Khünaknu zile pao, tamchu chizole. Zangding otia ma ngoüi ikoxlechu hwom jip a münzo; jiple ngokya hwom mik tam-münazang.

¹³Amalum to nange ku khomle namthomse; nang mongtsik mazak tanto ku pyenle namthomse; ku texle-atak angkya hanpak tex-tiale thomhüi.

¹⁴Khünak tuita jangzi daoba, chix azangle chat-tsuak ang chami? Ikoxlechu ija sikngün hanpak ashukle machang tanto; kue sikngün akaikya hanpak tanüi.

¹⁵Ifüima nange nyaküi; ija to kue tsaüi, Ilaxle ku nang chakzing füi nang mongmüiüi.

¹⁶Ifüima ku chikap fole nange hule nyeüi, ikoxlechu nange ku ochaxbu oshua-olom münthomüi.

¹⁷Nange ibu thailak faüi üntoxle tswonle awutüi; Kue thaile mokdaokya pangwüi nange fwotle amütüi.

¹⁸Ipongma haxnubu tsunle paokya; Tsyen-longbu akhixle pao angkya hanpak hüi.

¹⁹Longnubu tie thuple chwot; Chongkya zangwate haxtok khutle pao; Ija ningle nange khünak kwom monghom pünle amale.

²⁰Nange kwom to anao ilaxle tamchichat angkya hanpakma jwonle apao; kwom thünza a zike akwom.

²¹Susa hwome münchong kople chang, kwome chiawantox, chichangba hwome sikngün apongkya kwom hama tüchiwün.

²²Kwom tsangtsa to kakkya boma, kwom khangza ma kakkya tix kwome awanle lax.