Read Wancho Naga Job 17 Bible Online

Job 17 - Wancho Naga bible

Job 17

¹Ku tsün ashuk angkya hato nguipu; ku a zaktho dünle ngopu; Ku hanpak ang zukting boma chemchu müntüi.

²Pangnusae khaxle ku wanjai ngokya to kue hule ngopu.

³Zang, ku a münthai hex, ku tsai-kax pongle kop hüi. Ku zangwün to juafongle lan ang, khünak tuitachu chitüi.

⁴Ajang angkya hwom khangka nange zimle thom; Athax hwome ku to lüt ang taxtom.

⁵Kaikya wanwünkax ma, khünak tuitae ngun bama zuikhui dyen; Ija khoma sasün hwome sikngün apongpu.

⁶Athax khünaknue ija wanwünkax, ku-zan to ka ang twonpu; Hwom nguilaxle ku thün to thuak füi thuakpu.

⁷Mongmaxkyae ku mikpwompa jao ang achangpu; Ku cha ku chakbu a pakdangle chaxba tukux ang achang paopu.

⁸Ma alüile supule ngokyabu abütpu; Zang chilax homtoxle ngokya mix, ku tata wüi ningle hwome ajaopu.

⁹Hwom achuak-achen koxle asule tüile le wünkya khünakbu, hwom wüi sukyabu changpule taile jikle laxpu.

¹⁰Hwom pangwüi ku pomtho ma ajongle jangchang, je-füikya mix kue hwom khama tuita mün-atakse;

¹¹Ku hanpakbu kaidaoa; ku mwotthobu chitsuakkya ang changdaoa; ku monghom a samdaoa.

¹²Ikoxle ku zuikhuibue thüile zangnak a zangngai changle; hwome thüile zangngai a soxle tüile. Ikoxlechu kue awanpu, ku a zangnaknu khato ngole.

¹³Ku monghom tuita wüi, ija a lumting alop angkya; ikhato ku zangnak fangto jip ang shuiüi.

¹⁴Kue zuk-kha ang apale nyaküi, ku saxkya chongbu ang anu-ana hwom le nyaküi.

¹⁵Kue monghom kop angkya ojong to tüi? Ku ngün angkya mix owa tüi?

¹⁶Ku ama lum fang to jukya zuma, ku füi tomle monghom mün-azuiüi.