Read Wancho Naga Job 18 Bible Online

Job 18 - Wancho Naga bible

Job 18

¹Job, khünaknu zongma nang dangkya münmüipuix texpia? Zangwün apa ang nang jangdang, kwome nang füi wünthoüi.

³Kem a maihu ningle angale büthüikya ma namthütpu?

⁴Nang a nang mongtsik füi alüile akakle thomwüi. Nang a mongtsikmix daile chaxwannu dantox ang tsuaküile hia? Nang mongzom amüi ang, Zang-e haxnu apaoüi lehia?

⁵Chichangchizangbu wün-nyan a amütle thomüi; Ija wünle chatle tam mün chuaüi.

⁶Hwom nyihombu angkya wüntik a naktukle ngoüi.

⁷Hwom chatswon oshing mongle tüikya, ikoxle athax hwom chikho thuüi; hwom hwon-nwot jaono tsangthom ang hwom atiüi.

⁸Hwom sha-tsa khato aham ilaxle hwom cha amanlelax;

⁹Kam tuita ma hwom chiding manlaxle kople thomle.

¹⁰Haxkha to tai tsünle thomle; hwom le angkya lom ma kam tuita thale tüile.

¹¹Hwom akhople thamae tanle ngole; ijae chikap foto hwom mantole.

¹²Hwom a tüinangkyabu changhupu, ikoxle athax hwom a woknuak ma ngotüi; hwom zui ma thama ajongle tüi.

¹³Mik amütkyali kak-lak hwom tsangtsa khui apongle ahamtüi; ijae hwom cha-hi-chak shanle pao ang tomtüi.

¹⁴Hwom to chemnakthüile ngokya hwom nyihom makhange hwom ashik-afünle; ilaxle Omang Wanghompa füi apong ang linle alaile.

¹⁵Ikhato tüikya kak-lak apao ang Khat hing fu füima, athaxpi hwom nyihom ibu ma tütapuchu ngo ang tsuak!

¹⁶Ibu püntsing hia pünchakbu a zile zandaoa.

¹⁷Homkha hia tsailo tokya hwom münchong ashukle hüidaoa; athaxpi hwom owaechu texle chiatak.

¹⁸Zangngai tokya zangnak fangto ngo ang, Ozün ma ngokya chaxwannu tokya hwom, zangngai tokya zangnak fangto ngo ang jwonle apaoüi.

¹⁹Hwom ang su-sa chemchu müntüi; hwom tokfüi ma ozün ma tox ang owachu müntüi.

²⁰Handün hannop tokhange hwom shoma zing atatkyabu pangnusa ang wüi khompuatsile anyon.

²¹Ija a, Zang zongto chem angchu chichangle tüikyabu, ochax khünakbue apongkya shoma changle.