Read Wancho Naga Job 22 Bible Online

Job 22 - Wancho Naga bible

Job 22

¹Zang chaktwon ang laxfang khünak, ataxle jetüi-hwonlangkya mix owawa tüichahex?

³Nang sukya mwote Zang ang olüi tüichahex? Nang müikyae chix juafongkya nox tüichahex?

⁴Nang to samakya hia kaxfün hato nang apüikya; nang Zang thua zale tüikya khomale münchang.

⁵Münchang! Nange huanuma achaxkya khoma changpu; nange thaile mokdaokyadu hanpakma changpu.

⁶Tüinao tuita angkya nang thashe tsangthom ang, chix angkya nyiwun khaota chitoxle tsuile paopu.

⁷Tilan maxkyabu ang nange ti chikox; Woknuak maxkyabu ang nange süt chikox.

⁸Nange nang tsak-zong hia ang chifün a, chaxwan pangwüi hwople kop ang twonpu.

⁹Nange zomnu hwom to chifongkya tata chichangle, zasabu kux tsuile laxüntoxle hwom to adix-adapu.

¹⁰Ikhoma athaxpi nang akhople thajao wünhaihai wüi, tamchu nang a zakyae awangle tüile.

¹¹Ija a nange ngün ang chithokya zangnaknu ang achangpu; tichen-mualyeme nang to otsyen chithole ule hüipu.

¹²Zang a, ding tokya lyettsibu to ngaxchu asongle hule, ataxle tsuakya zangkho to ngokya münchang hia?

¹³Ikoxngaxchu nange atüipu: “Zang-e a chem awan? Chix a zangfwom khung towüi, chixe kem ang kaxfün chemle fatsuaküi?”

¹⁴Zangkho to chix aham pongma keme ngün ang müntho. Chix thün a shixkya zangfwom füi tukle thomdaoa.

¹⁵Jento ahamkya lomnu ma aham angkya; ochax mix, nang mongto mongzang wünle tsuakdao pia?

¹⁶Hwom hanpak mangui tanto wüi, ibu a tichen tuitae sole paodaoa.

¹⁷Khünak ibu a Zang chilaxle awütkyabu changle; chixe hwom to chemchu münlünthole mongchongkyabu changle.

¹⁸Ikoxlechu Zang-e hwom ahak-alua ang tompu; kue chichang-chizangkyabu tutex awan ang müntho.

¹⁹Chichangchizangkyabu to sikngün fakya ngünpongma, oma hia omüi chemchu chitüikyabu mongmüi to nyile.

²⁰Chichangchizangbu ma atüitüi pangwüi olithule ama; tütali atale toxkya pangwüi wüne shunle.

²¹Job, athaxpi Zang füi tumüi ang thüilax; chix to zanpa tuita lailaile hwonkya zaklax; ile jangchang thüiningle chixe nang to mohimanüi.

²²Chixe koxkya hwon-nwot jaono pongle koplax; chix kaxbu nang mong ma pongle koplax.

²³Changle, nang a Zang hato mongnaile chat angkya wüi changle; nang hom ma mokle hüidaokya ochaxbu, pangwüi max ang tomdao.

²⁴Nang hun tswonle awütdao; amüikya nang hun shuazan bang to akhündao.

²⁵Athaxpi nang ma tsuathale athün tüikya hun hia khop, pangwüi ang Khüthak Zang tix achangdao.

²⁶Ifüima nange Zang to othuithuima mongong thomüi; nang mongmüi otong a chix changpule ataküi.

²⁷Nange zangjop pongma, chixe nang zangjop to lanüi; nange mae tsaodaokya tsaotsütbu otia ma thomüi.

²⁸Nange mokkya mwottho pangwüi oza lünüi; nang lekya lom pangkha towüi zangngaie nyanüi.

²⁹Mong-ngam füikya mix khünak Zang-e athomle athaiüi; puipa-naipa khosünle kopüi.

³⁰Oma lomtang chemchu chitikle sukya mwot mokle jangtüi thüiningle, Zang-e nang khosünle kopüi.