Read Wancho Naga Job 23 Bible Online

Job 23 - Wancho Naga bible

Job 23

¹Kue athaxchu Zang füi alünle kaxthup-ngaotünpu; Kue ku to kakkya adu ang müntho.

³Kue chix ngokya kha awan koxba; Chix ngwotnui to ngui angkya olom awankoxba;

⁴Kue ku sikngün zangwün chix tunthoma danse; Ma khosele kue zongbak alase.

⁵Chixe chemle thüise, ku kax to chemle lanse, ija awanse tsule.

⁶Zang-e chix tsak-zong pangwüi ku-zan to ka ang twonse chami? Münchang, chixe ku zangwün to apase.

⁷Kue a otsingtsing wünkya mix; kue Zang ma atüise tsupu; Tamfang ma chixe ku a oma chemchu chitüikya mixle naxngai.

⁸Kue handün chito lomle anopu, Zang ikhato chitüi; hannopchi to lompongma kue chix chiatak.

⁹Shuakux hia shuathong pangnyi chito, Zang-e mwot mokle ngopu, ikoxchu kue chix tamchiatak.

¹⁰Ikoxlechu ku chikap tiale Zang-e awan ngopu; chixe ku to wanle jangano; chixe ku otsaole atakse.

¹¹Chixe kamkopkya lomtang ma ku mongong füi ahampu, chemtuechu ikha angkya ku nong-tsax to chipaopu.

¹²Kue othuithuima Zang kaxtom ma laxle mokpu; Kue chix mongtex topu, kue tsu-luakya ma chilaxpu.

¹³Chix a chemtuechu loploplüile münchang; owachu chix füi münapantho; chichangba chix mongtsukya mok ang owaechu chix abax ang müntho.

¹⁴Chixe ku hanpakma mok ang achwonle tüikya mokle angaiüi jao; Ija a chixe mok ang achwonle tüikya kha angkya oli tuita zaza.

¹⁵Ku chix tunthoma zale abünpu.

¹⁶Khüthak Zang-e ku mongchen max ang tompu. Zangnaknue ku mik apwom ang tomkoxlechu, ku zakya a zangnak thua münchang, Zang thuatix zapu;