Read Wancho Naga Job 24 Bible Online

Job 24 - Wancho Naga bible

Job 24

¹Kaxfün angkya hanpak tuita Zang-e chem ang textya thompu? Chix thothale ngokyabu zongto sukya kaxngai angkya hanpak tuita a!

²Khünake haxtok akhao angkya kuxma long hia lüi achexle; hwome chun ahux üntoxle ibu ma chunzyem khato danle.

³Hwome zasabu angkya mantsakbu paole laxle; chix ang thashe tsangthom tsuakkya kople zomnu kux maihu kople thomle.

⁴Zasabu ang hwom süntswonbu kop ang chitom; chitüi-chinangkya mix zikle paole sam angkya atsang.

⁵Ikhoma chitüi-chinang mixe fao mantsakbu lailaile sak-haxzan to sütlom; Hwome su-sa hwom hanpak ang süt ojongtochu chiatak.

⁶Hwome mix tsax zütle kox; chichangchizang khünakbu haxtok tokya grep ziak athün.

⁷Zangnak ma hwom to chwop angkya chemngax chitüile; Zangkong chak tokya abax ang chemchu chitüile jip.

⁸Haxhua to watkya zangwate hwom to thuple ashan; pom ang laxle zui ang hwom longnubu fangto lui.

⁹Ochax khünakbue khaxsa-zasa naosombu hwom da ang laxle pao; chitüi-chinang su-sabu, ma thashe tsangthom ang laxle pao.

¹⁰Ikoxlechu tuimix-nuakmixbu a ma-tsa chwop angkya nyiwun ngaxchu chitüile, wonglai tsax zütpongma hwom woknuak khato ka.

¹¹Hwome olip münga fyetlekox, grep-ju fyetlekox; ikoxlechu hwom tomtata a tilan ma maxngo.

¹²Tingnu ma thomzünkyabu hia zik suakyabu akhong, ikoxlechu Zang-e hwom zangjopbu ahaile awüt.

¹³Zangngai chilaxle awütkya khünakbu tüikya; hwome ija chem hex chitsing chichangba ija lomzun to chipao.

¹⁴Mix mik amütkya mix swomsae wüi zolaxle, tuimix-nuakmixbu lang ang laile pao; ilaxle zangnaknak ma chixe ahux.

¹⁵Chinunchakkaikya mixe zangnaküito hule nui; owaechu chingün angkya hanpakma chixe ma thün to khung.

¹⁶Zangnak ma ahux mix homdaple dong; ikoxle anyixningle zangngai thoto khünle ngo.

¹⁷Hwom a anyixningkya zangngai thuaza, ikoxle zangnak hanpakma hwom ang ojao khom chitsi.

¹⁸Chichangchizangkya khünak a tichene chwotle pao; chixe kopkya haxtok a Zangthuak-Zangzom ma tüile; chix a ma grep haxtok ma manzai ang tamchika.

¹⁹Zangkham to zangzuale changpongma jun chule samkya ningle; ozün ma tüikya haxtok angkya ochax khünakbu samle paole.

²⁰Athax chix a honue ngaxchu texle chiatak; chix a chongbue saxkya pohua tuita ningle amadaoa.

²¹Chixe zomnubu to chisumüile hwon; thanubu to chingcha chitüikya khoma ile chang ang tom.

²²Zang-e chix tsak-zong füi tsak-zongle tüikyabu amüt; Zang-e mok: ikoxle chichangchizangbu mik max angkya atak.

²³Zang-e chix kuimüi-zangmale ngo ang tomkoxlax; ikoxlechu chix chito mike hukya tam-münzak.

²⁴Chichangchizang khünak onox ma ahak-aluale toxle; ikoxlechu janba ma wüi hingzang ningle zanle paole; Zampa kho pakdaokya ningle zile paole.

²⁵Owawae chichang khatole ija ajao ang tho angcha? Ku kaxbu chichang khatole owawae aho ang tho angcha?