Read Wancho Naga Job 26 Bible Online

Job 26 - Wancho Naga bible

Job 26

¹Shonaile tüikya ku ningkya müt-mix shun-mix zongto, nang a tüle müikya ofong-otsox huanu changle!

³Hünzome tüle müikya zünkax-saikaxbu fale; ku ningkya angapa füi hünzom je-hwonbu tom-hanle changle!

⁴Hünzom zangwün komkaile owae apaüile thüt? Iningle akax angkya chatsak-muazong hünzom ang owae fa?

⁵Chaxwannu fangchi tokya tibu ngünlaxle, chasa omangbu zale abünle.

⁶Omang chaxwan a Zang zongto khotho-ngaiza tüile; Chix miksho angkya ija chemningkya kahak füichu müntuktho.

⁷Zang-e shuakuxchi angkya zangding tinle pao; chaxwannu a ohua to ashale thom.

⁸Tie zangfwom awang ang tomkya a Zang changle; ibu lixkya füi chaole pao ang chitomle chixe kople thom.

⁹Komnu-hanle chixe zangfwom tokfüi to khungle thom.

¹⁰Tinu thün to titlaxle chixe zangnak angkya zangngai ahanle süi.

¹¹Zangding nwonle thuathomkya thongnubu azale changpongma, Ibu pangwüi chix thua zakyae abün.

¹²Tinu to lüttsuakkya a chix tsak-zong changle; Chix je makhange tinu angkya bao Rahap mik-amüt.

¹³Zangding kaküile zingkya a chix zakdün changle; Paole azangkya müishix-baoma a chix chak füi langpu.

¹⁴Ikoxlechu ibu a chix tsak-zong otua-oza tix; Keme atatkya a chix huxsa zangwün tix changpu. Otsingtomtata ma Zang chemtukux chongpuix, ija owae tsingle tho?