Read Wancho Naga Job 28 Bible Online

Job 28 - Wancho Naga bible

Job 28

¹Khop-jan tho angkya okhabu tüile; hun zokle atsaokya onuibu tüile.

²Khünake jan haxkha tokya thole laxle; long achuklaxle hotu alai laxle.

³Khünake süzukya zangnaknu kha awanle laxle. Hwome chaxwannu othong lomle laxle; cangnaknu kha thole long lomle laxle.

⁴Ochu to khünak ngwotnui füi atsaile; khünak chae matingkya khato; khünake ashuadakle zuwüi zule okhabu thole; ikhato hwome wandangjale mwotmokle, othong to ashaile ajokya zuto mongong laxle.

⁵Sax angkya süt chaxwan tok ma lai, ikoxlechu ija haxtok ofang chito, pangwüi punpunkhai üntoxle zutle khixbok.

⁶Chaxwan angkya long ma safir long tüile, üntoxle ija haxbu ma hun tüile.

⁷Ibu haxthwot okha-olom olae ngaxchu chingün, üntoxle okun tuita ngaxchu ibu tok to chipi.

⁸Mailang chichangba mama müima-nyaxshix chemchu, wandangjakya lomtang ibu to chiaham.

⁹Khünake longnu atsakkya thole; chitong makhange hwome haxnu thole.

¹⁰Longnu apatle hwome okha thopongma, hwome thalix longbu atakle laxle.

¹¹Hwome tifuaknui shuasa kuxbu thole; ilaxle pyenle thomkya zangngai to alaile.

¹²Ikoxle je-hwon a ojongto ataküi? Tsinglelax angkya keme ojongto awan kopüi?

¹³Je-hwon a khünak khama ataküi münchang; ija otha otsingtsing a owaechu müntik.

¹⁴Molo-Tinu jithongbue akaxle; je-hwon a ikhato mün-atak.

¹⁵Ija Khop-jan hia hun füi shak ang müntsuak.

¹⁶Müikya hun hia likwünbu ngaxchu, ija otha füi tomwüi ang münchang.

¹⁷Ija a hun füi ngaxchu angamkya, hun shokya zawan müikya füichu wüi angamkya.

¹⁸Koral hia khristel thalix longbu füi ngaxchu, je-hwon tha wüi angamkya changle.

¹⁹Amüikya Topaz hia atsaokya hun ngaxchu otha ma je-hwon füi apyen fang münchang.

²⁰Jangchangthüiba je-hwon otong a omatüi? Keme tsing-wan angkya ojongto tikle laxüi?

²¹Zünmok chemechu ija ngün ang müntho, o-jux mike ngaxchu ija ngün ang müntho.

²²Zikmüt-mangkho hia thamae ngaxchu, hwome kaxtai-zangwün atat laxwüi thüile.

²³Je-hwon atak angkya onuia, Zang chix tatae awanle ngowüi.

²⁴Chixe chaxwan oshuk ngünle tüikoxle, zangfang angkya pangwüi ngünle tüikoxle.

²⁵Chemtue zangwin ang Zang-e chix zong koxpuix, chemtue tilo-tinu okhao thutle tsuakpuix;

²⁶Zang-e zangwat ajo angkya cham dak tsuakkya ma, zangtsak zangfwom lyetlom zangle tsuakkya ma;

²⁷Ifüima chixe je-hwon angamkya changpule tiklelax, ilaxle ija a changtomtapule kaxshing kox.

²⁸Zang-e khünaknu ang thüi: “Jetüi angkya hanpakma Zang thua za angkya changle. Tsing-wan angkya hanpakma ochax hato tok aho angkya changle.”