Read Wancho Naga Job 29 Bible Online

Job 29 - Wancho Naga bible

Job 29

¹Job-e tamchatle zangwün ang süt.

²Ami Zang-e nyele ngopongkya ningle, Ku tsün chatle tamchatkoxba.

³Ipongma Zang ku füi jento tüingokya; zangnak fangto lepongma chixe ku to nyankya.

⁴Ipongma ku ahak-aluale tüihomkya, Zang füi zuikhui ang ngokyae ku homkha ziakopkya.

⁵Ipongma Khüthak Zang ku füi tüihukya, ku a su-sa hwome akhoplaxle ngokya.

⁶Ku maihu hia zwonbue tsomti tüle-tüle koxhomkya; ku olip pünbu longtsoxtsüt khato nyemhukya.

⁷Tingnu angkya tüichong mixmüibu asox nyix, hwom thom khato kue ma ngwotnui kop.

⁸Ku ngünkya füi shemle naosünbu ajongle shan, ku chathua zakya ahole mixmüibu ajong.

⁹Khünaknu lompabue zangwün ngokya zak;

¹⁰Alixachongbue ngaxchu dangjale apa.

¹¹Ku ngün üntoxle ku mowün atatkya khünakbue, ku mwot mo müile le wün.

¹²Mixshix zasabu sop-jua pongma kue hwom to fong. Pao nui chitüikya khaxsa naobu to kue fong.

¹³Chifün jao chitüile ngokya khünakbue ku achuak; zomnubu kho awa angkya to kue asun.

¹⁴Kue jento masüi-mixlüi chitüile sukyakya mok.

¹⁵Miksut-mix zongto ku a mik changkya; chafai mix zongto ku a cha changkya.

¹⁶Hopa chitüikyabu zongto ku a hopa tuita changkya; sikngün apongba mixnok wünpabu khosekya mix changkya.

¹⁷Müishix-mixmabu zongtüile chang ang chitom, hwom chak to maxse khünakbu kue azün.

¹⁸Kue tsünlo-zaknuile ngo angkya to sung; hom ma mongsom ma zi angkya to sung.

¹⁹Ku a püntsinge jento ti kople ngokya pün; omua nyenti füi ashan thomkya pün.

²⁰Pangnusae wüi ku achuakle ngokya; ku tsak-zonge chemtuechu ku chiale.

²¹Kue zünsaile changpongma khünaknu dang; kue chem akaxpuix ija to mongkoxle apa.

²²Kue ashukdaokya to hwome janbo kox angkya chitüi; kutsai-kukax zangwat ti dütkya ningle zomle ju.

²³Manzai mix zongto zangwatkya müikya lailaile, hwom pangnusa zongto ku zangwün müile.

²⁴Hwome mongong asamkya zuma kue hwom chanyi, ku thünza nyit-tune hwom mong achen.

²⁵Kue hünlit lax üntoxle mongzangwünle tsuak; wanghompa-e naomüibu thothutkya lailaile kue hwom azui, hwom khosamle ngopongma kue mongsom kox.