Read Wancho Naga Job 34 Bible Online

Job 34 - Wancho Naga bible

Job 34

¹Hünzom khünak a müimamale je-tüile, tsing zaile; athax ku zangwün to shong-apahüi.

³Nange sütmüi-lingma ija wanle anokya ma awanpu, aje-ashi kax a ija atat koxlechu chitsing.

⁴Ija zangwün fün-wün angkya a kem füifüi.

⁵Job-e chix a sukya ikoxle ija sukya kaxfün münfapule angamkya a Zang changpu thüitüi.

⁶Chixe atüi: “Ku-a thaile le atsele zang chemle wünüi? Ku a komkaile maklax daokya mix ikoxlechu ku otsao.”

⁷Nange Job ningkya khünak owawa tüngündaicha? Chixe chemtuechu Zang chathua münza.

⁸Chix a chichang-chizangkyabu füi tomle, ilaxle ochax khünakbu füi ahamle.

⁹Zang mongtex füito azui ang mwotmüi mokkya müikya münchangle chixe thüile.

¹⁰Hünzom awan-atsingkyabue ku kax apahüi! Khüthak Zang-e thaikya mwot mok ang chami?

¹¹Hwome chemle mokpuix ija hingho chixe khünaknu ang koxle, ilaxle hwom to chemle hwonsehex ile hwonle.

¹²Khüthak Zang-e ochax mwot münmok, owa zongtochu chix süi-chaple müntüi.

¹³Zang-e chix tsak-zong owawa angkya koppia? owawae chix chaxwannu to hu-mix ang dan thompia?

¹⁴Zang-e khüzün zakdün chatle janglaxba,

¹⁵ozün ma tüikya pangwüi zile paoüi, ilaxle haxbu ang achangle chatüi.

¹⁶Athax nang jepa jangchang, ku kax apahüi!

¹⁷Nange otsao Zang ajao ngopia? Sukya kaxfün thua chix anule le texpia?

¹⁸Hwom laxli chitüile hia chichangchizangle tüipongma, Zang-e Wanghom hia lompabu tha-ajaole.

¹⁹Pangwüi chixe zingkya tomtom daile, mixshix-zasabu zongto naxmale, Chixe Wanghom hia hakpa-luapabu chima münse.

²⁰Khünak ja tuita zangnak fang ma süntochu zikoxlax. Zang-e khünak to chakmokle changkya ma hwom zile; mixtsak naomüi ngaxchu zong lomle chingo homle langle.

²¹Khünak chikap pangwüi to chixe khile hule.

²²Zang tuntho angkya ochax khünak tuita, osün amütle khungtangkya zangnak müntüi.

²³Chix hato nguilaxle khünak ang kaxfün fa angkya, Zang-e lyettex-hantya thom angkya chem mwot müntüi.

²⁴Lompabu apao üntoxle mama hozün lüi angkya, chixe tsaitong-kaxza tik-to ngo angkya münchang.

²⁵Hwome chem mokpuix ija chixe tikle ngokya daile, ja tuita bama wüi chixe hwom lüilaxle amütle.

²⁶Noknue ngün angkya khama, ochax khünak to chixe sikngün fale.

²⁷Chemthüikoxle hwome chix füito azuikya zakdaoa, üntoxle chix kaxtombu ajaodaoa.

²⁸Hwome mixshix-zasabu Zang nyakle akhong ang atsangle, ilaxle asunle fa angkya mix lomle hwom akhongkya Zang-e atatle.

²⁹Chixe chemchu münmokngo le Zang-e jangtex daoba, owaechu chix ang chichang khato le thüi ang müntho. Zang-e chix thün jangkhomba, khünak a maxsax.

³⁰Zang chitsingkya lompa-e hwom to apünkya abax ang, onoke mok angkya chemchu müntüi.

³¹Job, nange ma ochax Zang hama ngaidüicha? Anaole ochax münlyenpule tsaodüicha?

³²Zang ang nang thaikya ahohüile akax düicha? Ochax mokle mün-ngole mong notom düicha?

³³Zang mwot füi nang apüi ngoün füima, nang mongtsukya Zang-e mokfaüile ong-angcha? Mongzangwün angkya a ku mwot münchang, nang mwot; nange chemle ajangpuix athax kwom hama apua hüi.

³⁴Tutex füikya khünake changkox-ale thüiüi; ku kax atatkya jepae thüiüi:

³⁵Job-e chemchu chitik laxle akax ngowüi, Chix zangwün a changle thüi angkya ojao müntüi.

³⁶Job zangwün pangnu makhange ajangle anohu; Chixe ochax khünak zangwün ma wünkya ngünüi.

³⁷Chix ochax to alün-aloxkyae janbo langle; Kem pangnu tunthoma chixe Zang chanyile.