Read Wancho Naga Job 35 Bible Online

Job 35 - Wancho Naga bible

Job 35

¹Job, nange nang a Zang miksho ma sukya mix changpule thüi angkya jao müntüi,

³chichangba: “Ku ochaxe nang to chem po? Ochax chilyen homle ngokoxle a ku ang chem olüi tüi?”, le thüi angkya ojao müntüi.

⁴Kue nang kax to tamchu hünzui hwom kax tochu lan angkya changle.

⁵Zangkho to hulax! Zangfwombu chemtukux tsuale tüipuix!

⁶Nange ochax lyen koxle ijae Zang to poüile münchang. Nange obithomthom ma hex thaile changkyae chix to poüi lea?

⁷Nang tüle tsaole ngokyae Zang to fongkya tüiüi lea? Zang-e nang ma lomkya oli chemchu müntüi.

⁸Nang ochax khoma mixe sikngün apong ngopu, ilaxle nange müikya mokle changkyae mix fün amüipu.

⁹Chemtue khünakbu to afangle thomüihex, hwome awaole; owawa hwom khosün angkya mix lomle hwom akhongle.

¹⁰Ikoxle hwom a zingpupa Zang hato mong münchat; zangnaknu fangto ngopongma hwom ang monghom fakya a chix changkya.

¹¹Zang owae kem a o-jux pangnusa füi jetüi-hwonlangle zingpuix, ija Zang hato hwom mong münchat.

¹²Hwom to asunhüile hwom sople, ikoxlechu Zang-e hwom to münlan; chemthüikoxle hwom ma mongngam hia chichang-chizangkya mong tüile.

¹³Hwom sople akhong ngokya a oba to; Khüthak Zang-e hwom to münhu chichangba münapa.

¹⁴Job, nange Zang ngün ang münthole thüitüi; ikoxlechu adule ngohüi, nang zangwün a chix pomtho ma tüile.

¹⁵Nange thütle, Zang-e sikngün münfa; ochax to chixe mong aluile münkox.

¹⁶Zangwün atsatle ngokya nang hanpakma laxli müntüi; nange chem wünpuix ija nange müntsingle awantho.