Read Wancho Naga Job 37 Bible Online

Job 37 - Wancho Naga bible

Job 37

¹Zangchei thoto müimamale ku khax atuk ang tom.

²Hünzom pangnue Zang kaxzing apalax, chix tun makhange laikya zangtsak-zangdung zing a.

³Chaxwan kaochi makhange kaochi alople, zangding akaile chixe zangchangjep alyet.

⁴Ifüima chix ahungkya zing atat, tüle za-adünle azingkya zangdung zing a, ilaxle janpüi ma wüi zangchang ajep.

⁵Zang kaxtom ma ohünotün mwot laile, keme chitsing toxkya ohünotün mwot a.

⁶Chixe chaxwan tok to jundüt angkya kaxtom kox, ilaxle ojao chithwonkya zangwat ahüi.

⁷Chixe khünak mwot zak angkya hato ahüi; chixe moktsuak angkyabu chixe kem hama aho.

⁸Faomüibu hwom longkunbu to dong.

⁹Shuathongchi tokya zangchei zangwin hüi, tamchu shuakux chitokya zangkong hüi.

¹⁰Zang zakdüne tibu akongle, ilaxle ibu a jun dwon ang achangle.

¹¹Zangfwom angkya zangchangjepe nyan,

¹²ibu Zang mongtex ma aham pongma. Hwome pangwüi Zang kaxtom ma mok, zangfangja pangnu khato a.

¹³Chaxwannu ang ti kox ang Zang-e zangwat ajo; chixe ija kem to sikangün angchu ajotsuak, chichangba chix chingcha aho angchu ajotsuak.

¹⁴Onox ma tamzak-hüi, Job, ilaxle apakoplax; Zang-e mokkya ohünotün mwotbu to changpule texlax.

¹⁵Zang-e chemtukuxle kaxtom koxpuix ilaxle zangfwom makhange zangjangjep ahüipuix nange tikcha?

¹⁶Chemle zangfwom zangdingkho to athax ngopuix, ija bama Zang khompua-zadün mwotbu tikcha?

¹⁷Münchang, shuathongchi zangwine chaxwantok to zothup pongma hanhuak to nang sikngün lanle chang tsuak.

¹⁸Zangdingkho pünle akhao laxle jankhao ningle atsak ang nange Zang to asun ang tho ang chami?

¹⁹Zang füi chemle akaxüi kwom hama anole fahüi; kwom khangka ohua; zangwün angkya kwom ma chemchu müntüi.

²⁰Kue Zang füi zangwün ang atüikya münchang; kue büthüikoxle chix ang ku olithu ang tom angkya?

²¹Ilaxle athax zangdingkho to zangngaie nyanle ngole, keme chix to hu ang ojao chitsuakle; zangdingkho a zangwin füi jeple atsaodaoa.

²²Shuakuxchi to nyan wüi nyanle wünzung ngünle, ilaxle Zang fuazangkya ma kem abüt ang tomle.

²³Zang tsak-zong huanu changkya khoma kem chix hato ngui ang müntho; chixe kem füi asax-amokle changpongma chix a otsao changle.

²⁴Ikhoma chix bama noknusa ang khosamkya to abüt angkya müntüi, ilaxle jetüi-hwonlangpu le ngokyabu chixe ahaile.