Read Wancho Naga Job 5 Bible Online

Job 5 - Wancho Naga bible

Job 5

¹Akhongle nyakle anohupi, Job; nang to lan mix owawa tütüi angcha hex? Nang a otsao khünak owa hato paoüihex?

²Mongma füi malailai to zothuple abüt-aban ngo angkya a, ongat tamchu mongjang chitüikya mwot ang achangüi.

³Oshing mongpox-ole ngokya ongatbu hato allele, homkha othuak-ozom nguile changkya kue ngündaoa.

⁴Ibu su-sa hwome chemtuechu khosün tüile le thüi ang müntho; hwom kho awale khwa ma owachu ajong ang chitho.

⁵Woknuak mixe ongatbue zaikya manzai saxüi; kongbüi tham to — ziakkya saxziak ngaxchu danle müntox; Ti-alan mixe chixtui-chixna to osing-zalokya tüiüi.

⁶Ochax a chaxwantok ma nyemkya münchang, ija ningle sikngünchu haxtok ma laikya münchang.

⁷Ile otuechu münchang! Ikoxle wünkha tokya wünpua pikya ningle, khünake sikngün alüile mae lomlaxpu.

⁸Ku nanghex thüikoxba Zang hato chatdaose, Ma khosam chix pomtho to apüidaose.

⁹Müntsing tho keme chongkya chix mwotbu bama; oshuk müntüi chix ohünotün mwotbu ma.

¹⁰Chixe chaxwannu to zangwat ajole haxtok to ti kox.

¹¹Pui-naikyabu nwon, mongmale sopngokyabu ang mong amüile kox, ija a Zang, chix changle.

¹²Chixe huxtsing-loptsangbu mwottho pün-pakle; je-hwon füikya khünakbu hwom katzua mawüi alüile amanle; hwome mokkya mwot chemchu tholün ang müntom.

¹⁴Tungto-sejale ngaxchu hwom zangnak fangto to pwomle ahamle.

¹⁵Ikoxlechu zasabu a zise tokya Zang-e khosünle; nuakmixbu chixe afangle ngo ang chitomle sünle kople.

¹⁶Chixe zasabu ang monghom koxle, ilaxle chichang-chizangkyabu adangle.

¹⁷Zang-e achangle zingkya khünak a mongmüi mix changpu. Chixe nang to sakya zuma nang ang na taxtüt.

¹⁸Zang-e thomzünkya mak to chixe wüi wumle koxle; chix chak füi nang to chakmok-janlangle, üntoxle chix chak füi wüi amüi fale.

¹⁹Nyixfo to thomzün-maklax chak tokya chixe nang azün;

²⁰tuinu nuaknu hüipongma chixe nang azün, azan pongma nang khangtom chixe azün.

²¹Khohang chak tokya Zang-e nang abax thomüi; thama hüipongma chixe nang khosünüi.

²²Chakmok-janlangkya hia wokno-tilankya cha nang nyiüi, üntoxle faomüi thua nang münzaüi.

²³Nange manzaikya haxtok ma long müntüiüi; faomüie nang to otuechu münshingüi.

²⁴Ile nang a nang nyihom ma mongsom ma ngo ang kopüi; lomkya thoma nang chunbu haxmüi-zangma bangüi.

²⁵Wunsa khatokya fumle büta nang su-sabu tüiüi.

²⁶Tsax atukya kople münle ngokya wonglai tsax lailaile, nang a azu-khothole ngoüi.

²⁷Job, ibu a kwome tüle hanpak laxle anoletix awan laxpu. Ija a otsing tomtata, athaxpi ibu pongle kop-hu.