Read Wancho Naga Job 8 Bible Online

Job 8 - Wancho Naga bible

Job 8

¹Zangwin lailaikya nang zangwün pangnu tsuakdaicha?

³Zang-e otsing kaxfün chemtuechu ajo-ajüi ang müntho; Chemtuechu sukya mwot chixe thaile mok ang müntho.

⁴Nang naosome Zang zongto tüthaidaotüi angpu, Ikhoma chixe hwom ang hwom ma asukya sikngün fapu.

⁵Ikoxlechu athax mong chatkox, Ilaxle Khüthak Zang ma chingcha jukox;

⁶Otsingtomta ma sule hia tsaole jangchang, Zang nguilaxle nang to fongle naxchang, Nang hingho ang nang homkha pangwüi achat naxkox.

⁷Zang-e nang ang kox angkya tuto, Nange amütdaokya tuina a chem thakhochu münngui.

⁸Kaipongkya je-hi-hwon to noxta tamhule anohu; Kem pu-pa hwome tsing-wankya ajangle anohu.

⁹Kem tsün a mox-wüi-mox, keme chemchu münawan; Kem a chaxwan thün akaile lekya zangkhung paoüi ningle.

¹⁰Ikoxlechu kaikya jepabue nang ang anwot-anole naxfa; Hwome atsai-akaxkya to nathale apalax;

¹¹“Ti chitüikya khato otuechu acha nyemle münbang; Thu-thom khato bangkya boma ibu ojongtochu münbang.

¹²Ti zople changkya zuma, mwotto lax ang daktu manguiba wüi, tunpa ma zanle zi angkya a ibu changle.

¹³Zang chitüikya khünakbu a ibu acha ningle changle; tam Zang alak sheme, hwom monghom samle.

¹⁴Hwome maknu kua angkya makzi to mongong tüi.

¹⁵Ija makzi ma hwom ate-koxle, hwom koptho ang chami? Zu ang laxle ija ma atwotkoxle, ijae hwom ajongtho ang chami?”

¹⁶Zanghancha to zangdom awang hingtsak laikya ningle, Bao khünak ma osok dongle changüi.

¹⁷Ibu otsing long to chwople juüi, Ijae longnu to shingmongle khexüi.

¹⁸Ikoxle ibu fuakle awüt-hu, Owaechu ikhama ibu ngodaokya le münawanüi.

¹⁹Changle, bao khünak mongmüi a ibibile tüile; Athax mama mix hüilaxle hwom nuitingbu kople tüile.

²⁰Ikoxlechu mongong khünak otuechu Zang-e danle müntox, chemtuechu chixe ochax khünakbu chak to münasamtox.

²¹Chixe hünzom tamchatle nyi üntoxle akhong-akha ang tomüi.

²²Ikoxlechu hünzom thua anukyabu hato chixe mongma apüikoxüi, chichangchizangkyabu hom a max ang tomüi.