Read Wancho Naga Münchuak-Tsai 10 Bible Online

Münchuak-Tsai 10 - Wancho Naga bible

Münchuak-Tsai 10

¹O JOWANPA nang büthüikoxle ochu to ngopu? Kwome sikngün apong pongma nange nang thün büthüikoxle khompu?

²Chichangchizangle tüikya khünakbu huanuma ngamle üntoxle chitüi-chinang to zothuple; hwome zingkya hwom tsün ma hwom amankox.

³Chichangchizangkyabu hwom ochax mongzok bama huanuma ngamle; nüfux füikya mixe JOWANPA to thuakzomle tamchu chix chilaxle awütle.

⁴Chichangchizangkya khünake JOWANPA bama tuitex chemchu müntüi; hwom mongngam makhange hwome thütle Zang a chem mwot mütüi.

⁵Chichangchizangkya khünake pangnuli tsuak. Hwome Zang kaxfün bama ojao chiawantsuak; hwome hwom zanpabu tsünle.

⁶“Kem otuechu chitho-chilünle münchangüi, keme otuechu sikngün apongkya müntüi”, le hwome hwom füi akaxle.

⁷Hwom zangwün a othuak-ozom, atsekya, üntoxle aza-anakya, ibue awangle tüile; miktsak-mongwom hia ochax bama zangwün ang hwom müimamale momle.

⁸Tingkhua-tingkhua to hwom, hwom lailai to azwonle, chem-mün chiawankya khünakbu lang ang tanle. Opupuechu fong angkya chitüile ngokya hwom bamaxbu to hwome otua lomle;

⁹mailangbu ningle hwome hwom chwon ma tanle nüile. Ikhama hwome chitüi-chinangkyabu tanle nüile; hwome ibu hwom tsün ma amanle üntoxle ibu linle paole.

¹⁰Fong angkya mix owachu chitüikya bamaxbu a thule akhünle; thuthusyepkya tsak-zonge hwom towüi anao.

¹¹Chichangchizangkya khünakbue hwom mongto zangwünle thüi: “Zang-e chemmünthüi! Chixe chix mik achik thomdaoa, chixe ku tamngünüi münchang!”

¹²O JOWANPA, ibu chichang-chizangkya khünakbu sikngün ang tomkox! Sikngünashuk le ngokyabu texle ataklax!

¹³Chichangchizangkya khünakbue Zang chilaxle awüt üntoxle hwom lualua to: “Chixe ku ang sik-chiangün ang khato”, le chemle thüitsuaküi?

¹⁴Ikoxlechu nange ngünle; nange thama hia sikngün ngünle üntoxle jento fong ang achwonle tüile. Fongmix owachu chitüikya khünakbue hwom lualua to nang chak to danle; nange othuithuima mixshix-zasa to fongle hüipu.

¹⁵Chichangchizangkya hia ochax khünakbu tsak-zong akhix awütkox; hwome mokkya othai mwot hanpakma hwom sikangün kox hwome ibu mwot danle matox-matoxle.

¹⁶JOWANPA a othuithuima wanghom jaojao. Opange mama baozangbu to shwomle tüipuix, hwom a ija chaxwan angkya max ang tomüi.

¹⁷JOWANPA, nange a puinaikyabu zangjop to apa angkya wüi; nange hwom ang chachen-mongchen kox angkya changle.

¹⁸Afangle thomkya hia zasa-khaxsabu sopkya zing nange atat angkya changle; nange hwomchi ma sele kaxfün faüi, ikoxle tix ziün angkya khünake thama mwot chatle tammünmok.