Read Wancho Naga Münchuak-Tsai 101 Bible Online

Münchuak-Tsai 101 - Wancho Naga bible

Münchuak-Tsai 101

¹Ku tsai a tsaisax-kaxlaxkya hia sukya bama changle, ilaxle kue ija nang ang ngaopu, O JOWANPA.

²Ku zanglom-saikha a thaikya chitüile changüi. Nang ku hato chemtue nguiüi? Ku hom ma kua tsaothakya tsün ngoüi,

³üntoxle tütue chu ochax to adu angkya münchang. Zang hato tok ahokyabu mwot-kat thua ku anule; kue hwom füi tomle sax-mok angkya chemchu müntüiüi.

⁴Ku a loploplüile münchangüi, ilaxle ochax füi tomsax-tommokkya müntüiüi.

⁵Huxsa ma tomzi zongto chichangle tüikya mix kue amütüi. Miktsak hia mongngam füikya khünak füi ku adu ang münthoüi.

⁶Zang to mongong tüikyabu ang kue müipule thüiüi ilaxle hwom a ku homkha ma ngo ang tomüi. Tsaitox-kaxfe angkya chitüile ngokyabu ang ku thothale chang ang tomüi.

⁷Ku chongwang homkha ma khualop mix owachu ngo ang müntom; ku tüikya khama künkux-mongkwom owachu ngo ang müntom.

⁸Nyixfokya to kue haxtok angkya chichang-chizangkyabu kue amütüi; JOWANPA tingnu angkya ochax khünakbu kue jwonle apaoüi.