Read Wancho Naga Münchuak-Tsai 102 Bible Online

Münchuak-Tsai 102 - Wancho Naga bible

Münchuak-Tsai 102

¹O JOWANPA, ku zangjop to apahüi, ilaxle fong angkya lomle ku sopkya atatle koplax!

²Chemtue ku sikngünle changpuix, ipongma ku hato tok taxaho! Ku kax apahüi, ilaxle kue nyakpongma momle lanhüi!

³Ku tsün a wünkhut lailaile maxle ngole; ku tsangtsa a wün lailaile chuale ngole.

⁴Ku a hingzang zik lailaile fitle asumdaoa; ku ma süt saxsele tsukya samdaoa.

⁵Ku akhongle wot-ngopu; ku a khwon hia za tata wüi.

⁶Ku a sak-hax tokya fao-o lailaile, amale awüt toxdaokya khato okhux tuita lailaile.

⁷Ku shuile mik-azangle ngo; ku a homkho to osa chix tasa ngokya ningle.

⁸Ku zanpabue han-ahomle ku ajao; ku chanyikyabue ku mün a othuak-ozom ang twon

⁹Nang mongtsik hia shixkya khoma, labu a ku süt ang lax, ilaxle ku mikfibu a ku grepti-ju füi awon. Nange ku tswonle kop ilaxle tswonle awüt.

¹¹Ku tsün a hansong chaxbabu ningle; ku a hingzang zikbu ningle.

¹²Ikoxlechu, O JOWANPA, nang a jento wanghompa; nang a tsün tok to tsünle mong ma thomüi.

¹³Nang ajongüi ilaxle Zaion to chingchale changüi; she to chingcha angkya hanpak nguile hüile; ija a asukya hanpak-zanghan changle.

¹⁴She pünle ama daokoxle chu nang dabue she to mongkünle; she pünle ama thomdaobachu, hwome she to chingchale, hwome she to chingchale.

¹⁵Jat-libue JOWANPA thuazale changüi; chaxwannu angkya wanghombu pangnue chix tsak-zong thua zaüi.

¹⁶Chemtue JOWANPA Zaion azünle zaiüihex, chixe chix chongkya ngaile ahoüi.

¹⁷Chixe chilaxle awüt thomdaokya chix khünakbu kax atatüi ilaxle hwom zangjop zing apaüi.

¹⁸JOWANPA chem mokle hüidaopuix ibu mainao hwom tsün thoma zale bang kox, ikoxle tix mapuxkya khünakbue chix achuak-achen ang kopüi.

¹⁹Thak tokya chix otsao ngwotnui tokhange chixe asongle hule, chixe zangkangting tokhange chaxwannu to hule.

²⁰Kun ma thomkyabu wotkya zing chixe atatle ilaxle ozik-omüt hanpak tsaitsuak-kaxtsuakle changdaokyabu chixe danle apao.

²¹Ijaningle chix mün a Zaion ma apuk-apuale changüi, ilaxle chix a Jerusalem ma achuak-achenüi

²²üntoxle chemtue jat-li hia wangtingbu tomle athütpuix ipongma JOWANPA to shwom-tole changüi.

²³Ku naosün pongma wüi JOWANPA ku shonaile chang ang tom; chixe ku tsün amoxle awüt.

²⁴O Zang, ku athaxwüi shong-taxpao azu khothole ngax machang tanto.

²⁵Ilaxle nang chak jao füi nange zangdingbu zing.

²⁶Hwom a samle paoüi, ikoxchu nang a ngoüi; hwom pangwüi nyi-za lailaile büile paoüi. Nange hwom nyi-za awütkya ningle awütüi ilaxle hwom a samle paoüi

²⁷Ikoxlechu nang a otyatya, ilaxle nang tsün münashuktox.

²⁸Kem su-sa hwom chem chaza angkya chitüile ngoüi, ilaxle nange kho-awa laxle hwom sixlibu a khosam chitüile ngoüi.