Read Wancho Naga Münchuak-Tsai 115 Bible Online

Münchuak-Tsai 115 - Wancho Naga bible

Münchuak-Tsai 115

¹Ojem chifünkya mongkün hia chialekya mongong nang ma tüingokoxle, nang tata ang, O JOWANPA, nang tata ang tix; fuazangkya kwom ang kox angkya jao münchang.

²“Hünzom Zang ojongkha?”, le onokbue kwom ma büthüikoxle atüi angkya?

³Kwom Zang a Zangkangting to tüile; chix mong ma chem tsupuix ija chixe mokle.

⁴Hwom baozangbu a khop hia hunbu füi zingle tüile, khünak chak füi a.

⁵Hwom ma tun tüile, ikoxlechu zangwün ang chitho, hwom ma mik tüi, ikoxlechu ngün ang chitho.

⁶Hwom ma nabu tüi, ikoxlechu atat ang chitho, üntoxle chu nakua, ikoxlechu ongan atum ang chitho.

⁷Hwom ma chakbu tüile, ikoxlechu lyetkya mün chiawan, üntoxle chu chabu, ikoxlechu aham ang chitho; hwome ozing alai ang chitho.

⁸Opange ibu zinglaxpuix tamchu ibu to mongongle tüilaxpuix hwom pangwüi hwome zingkya chapabu lailaile naxchang kox.

⁹Hünzom Israel khünakbu, JOWANPA to mongongle tüilax. Hünzome to chixe fongpu tamchu kho-awale thompu.

¹⁰Hünzom Zang zompu-zangpabu, hünzome JOWANPA to mongong thomkox. Hünzom to chixe fongpu tamchu kho-awale thompu.

¹¹Chix to shwom-tole tüikya khünaknu pangnusae JOWANPA to mongong thomkox. Hünzom to chixe fongpu tamchu kho-awale thompu.

¹²JOWANPA kem texle ataküi ilaxle mohimanüi; chixe Israel khünaknu to mohimanüi ilaxlechu Zang zompu-zangpabu pangnusa to.

¹³Chix achuak-achenle tüikya pangnusa to chixe mohimanüi, chongkya hixkya pangnusa to tomwüi.

¹⁴JOWANPA hünzom ang su-sabu naxfakox: hünzom üntoxle hünzom su-sabu ang!

¹⁵Ding hia hax zingkya JOWANPA hünzom to mohimanle naxtüi!

¹⁶Zangkangting a JOWANPA tata kux changle, ikoxlechu chaxwannu a chixe khünaknüsa ang koxle.

¹⁷JOWANPA a omangbue münachuak, zikmüt-mangkho haxtok to lekyabue a.

¹⁸Ikoxlechu ozün ma tüikyabu kwome oshuk-chitüile chix ang münchong faüi. JOWANPA achuak kox!