Read Wancho Naga Münchuak-Tsai 12 Bible Online

Münchuak-Tsai 12 - Wancho Naga bible

Münchuak-Tsai 12

¹Kwom to asunhüi, JOWANPA! Atale toxkya müikya khünak tuita müntüi; sukya khünak athax atak angkya müntüi;

²Hwom pangwüi tata zongto atse;

³Ibu khualopkya lebu adang kox, O JOWANPA! “Kwom zangwün makhange kwome chem lompuix pangwüi atakle.

⁴Kwom mong atsutsu kwome akaxle, üntoxle kwom owaechu abax ang müntsuak” ibu zangwünkya tsaichong-kaxbongkyabu tun huxdao.

⁵“Ikoxchu athax ku nguiüi, chemthüikoxle chitüi-chinangbu to afangle thomkya üntoxle zothup apongkyabue hwom to kak-koxle wotle. Hwome lomkya khosün kue hwom ang koxüi”, le JOWANPA thüile.

⁶JOWANPA kaxtsao to mongong ang tsuaküi; ibu a wün khato othom anüt ma akham daokya otsingtsing khop-jan tukuxle changpu.

⁷Chichangchizangkyabu a tütakhahex tüihule, üntoxle chem ochax hex ija pangnusae achuakle. Kwom a othuithuima khosünle thom hüi, O JOWANPA, üntoxle iningkya khünakbu chak tokya kwom sünle thom hüi.