Read Wancho Naga Münchuak-Tsai 136 Bible Online

Münchuak-Tsai 136 - Wancho Naga bible

Münchuak-Tsai 136

¹JOWANPA ang münchong fakox, chemthüikoxle chix a müikya changle; chix mongkün ma oshuk müntüi.

²Zangbu pangnu thakma akhokya Zang ang münchong fakox; chix mongkün ma oshuk müntüi.

³Opupabu thak angkya JOWANPA ang münchong fakox; chix mongkün ma oshuk müntüi.

⁴Ohünotün mwotbu chix tatae tix mokwüi; chix mongkün ma oshuk müntüi.

⁵Chix je makhange chixe zangdingbu zing; chix mongkün ma oshuk müntüi;

⁶chixe zukya tinubu ding ma chaxwan zing; chix mongkün ma oshuk müntüi;

⁷Chixe lyetnu hia zanghan zing; chix mongkün ma oshuk müntüi;

⁸zanghan a anyixningle apün ang; chix mongkün ma oshuk müntüi;

⁹lyetnu hia lyettsibu a ajaningle apün ang; chix mongkün ma oshuk müntüi.

¹⁰Chix Ijip nok tüichongsasa mik-amüt; chix mongkün ma oshuk müntüi.

¹¹Chixe Ijip nok tokya Israel nok alaile pao; chix mongkün ma oshuk müntüi;

¹²tsak-zong füi tüikya chix chak thüilaxle; chix mongkün ma oshuk müntüi.

¹³Tütsak Tinu chixe ahakthole anyi ang achang; chix mongkün ma oshuk müntüi;

¹⁴chixe chix khünaknu imakhange alyet; chix mongkün ma oshuk müntüi;

¹⁵Ikoxlechu chixe Ijip nok wanghompa hia chix hilua-naomüibu khangle zi ang tom; chix mongkün ma oshuk müntüi.

¹⁶Chixe chix khünaknu sak-hax makhange alyet; chix mongkün ma oshuk müntüi.

¹⁷Tsakzong tüikya wanghombu chixe lang; chix mongkün ma oshuk müntüi;

¹⁸zangle wünkya wanghombu chixe lang; chix mongkün ma oshuk müntüi;

¹⁹Amor nok wanghompa Sihon chixe lang; chix mongkün ma oshuk müntüi;

²⁰ilaxle Bashan nok wanghompa Og chuwüi chixe lang; chix mongkün ma oshuk müntüi.

²¹Chixe ibu haxtok chix khünaknu ang kox; chix mongkün ma oshuk müntüi;

²²chixe ibu Israel, chix dapa ang kox; chix mongkün ma oshuk müntüi.

²³Kem to lütle changpongma chixe kem chialak; chix mongkün ma oshuk müntüi;

²⁴chixe kem zanpabu chak tokya dan; chix mongkün ma oshuk müntüi.

²⁵Chixe ozün ma tüikya zünmok pangwüi ang süt kox; chix mongkün ma oshuk müntüi.

²⁶Zangkangting Zang ang münchong fakox; chix mongkün ma oshuk müntüi.