Read Wancho Naga Münchuak-Tsai 14 Bible Online

Münchuak-Tsai 14 - Wancho Naga bible

Münchuak-Tsai 14

¹Ongatbue hwom füi alüile akax: “Zang chitüi khato!” Hwom pangwüi chilaxli ang changle, üntoxle hwome khomtsikya mwotbu tsuakdaoa; sukya mwot mokkya mix tuita ngaxchu müntüi.

²JOWANPAe khünak kem to zangkangting tokhange hule, jetüi-hwonlangkya mix owawa tütüi cha, chix to shwomkya owangax tüichale.

³Ikoxlechu hwom pangwüi thaile paoüna; hwom pangwüi tomwüi male. Hwom owaechu changkya mwot münmok, tuitae ngaxchu münmok.

⁴“Hwome müntsing hia? Ibu ochax mwot mokle ngokyabu pangwüi chemchu chitsingkyabu hia? Ku khünakbu kuxka ahuxlaxle tix hwom ozün ma ngole, ilaxle hwome ku to chemtuechu münjop”, le JOWANPA akaxle.

⁵Ikoxlechu ofüima hwom a abütüi, chemthüikoxle Zang a chix thua zakyabu füi tüile.

⁶Puinaikyabue zingkya mwottho ma ochax khünakbu mong ngwomle, Ikoxlechu JOWANPA a hwom khosünpa changle.

⁷Zaion makhange Israel noke lüt angkya bama kue chemle zangjoppuix. JOWANPAe hwom tamchatle ahak-alua ang tomkya zuma Israel khünakbu ang chemtukuxle mongmüikya tüiüihex!