Read Wancho Naga Münchuak-Tsai 140 Bible Online

Münchuak-Tsai 140 - Wancho Naga bible

Münchuak-Tsai 140

¹O JOWANPA, chichang-chizangkyabu chak tokya ku azünhüi; changnong-pünthomle tüikyabu chak tokya ku abax thom hüi,

²opange hwom mongkha to chichangle mok ang tung, ilaxle chizakle zan alai ang lüixle ngopuix.

³Hwome hwom lebu a pu wabu füi ngaxchu anaxle achang, ilaxle hwom tunpün ma zik-hing khunkyae awangle tüile. Selah

⁴Chichangchizangkyabu chak to dong ang chitomle ku nyele thom hüi, O JOWANPA; ku chika wüi ang tungle ngokya changnong-pünthomle tüikya khünakbu chak tokya ku sünle thom hüi.

⁵Kün-ngam mongngam füikya khünakbue ku aman angkya kam akhünle thomdaoa, ilaxle zi füi hwome nya thadaoa, lommun ma hwome ku aman ang kambu thadaoa. Selah

⁶Kue JOWANPA ang thüipu: “Nang a ku Zang changle.” O JOWANPA, ku sopkya ozing chito nang nathale changhüi!

⁷O JOWANPA, achongkya ku Zang, ku azünkya janzüi chongkya, achax-azan pongma nange ku thün khungpu.

⁸Chichangchizangkyabue mokse tsukya mokle tsuak ang taxtom, O JOWANPA; chixe tungkya ochax mwot mokle tsuak ang taxtom! Selah

⁹Ku akhoplaxle tüikyabu ngadong ang taxtom, hwom tunpünbu makhange ku aza-anale changkya hwom ding mawüi düt ang tomkox!

¹⁰Chuale ngokya wündix hwom khangkho ma wüi naxdüt! Hwom tamchatle zo ang chithole, tswomkha to naxdütkox!

¹¹Changnong pünthomle tüikyabu mwot otuechu oza laile chang ang taxtom; chakmok-janlangle tüikyabu hwom ochaxe zaze-zazele hwom-ha alople naxchang!

¹²JOWANPA, nange chitüi-chinang khünaknu khosele changkya tamchu mixshix-zasabu ang sukya kaxfün koxkya kue awanle.

¹³Otsao khünakbue nang ang münchong fa angkya atsingsho; ilaxle sukya khünakbu a nang womkya ma ngoüi.