Read Wancho Naga Münchuak-Tsai 141 Bible Online

Münchuak-Tsai 141 - Wancho Naga bible

Münchuak-Tsai 141

¹JOWANPA, kue nang nyakpu; athax ku to fonghüi! Kue nang to nyakle changpongma ku to apahüi.

²Ku zangjop a ongan Müikya zo ningle pongle kop-hüi, nwonle thomkya ku chak a tö tuita ningle pongle kop-hüi.

³JOWANPA, ku tunpün kahak nyele thom hüi.

⁴Othai mwot moksele tsukya chak tokya tamchu chichangchizangle tüikyabu füi ochax khünakbu khato hak angkya chak tokya ku abax thom hüi. Kue otuechu hwom fongkhatbu ma womle chang ang taxtom.

⁵Müikya khünakbue chingcha tokhange ku ang sikangün tamchu sa-male chang koxlax, ikoxlechu ochax khünakbue achuak-achenle changkya kue otuechu pongle münlax, chemthüikoxle hwome chichangchizangle mokkya ochax mwotbu hanpakma kue jento zangjople ngopu.

⁶Chemtue hwom lompabu zak-kho tokhange tswonle awütpuix, hwom zangwün changkya changkox-ale khünaknue thüiüi.

⁷Afi laxle tsatle akhix daokya pünfun ningle, hwom za-tuabu a zuk-kha kax ma chiakle tüile.

⁸Ikoxlechu ku Khüthak JOWANPA, kue nang to ongle wüi ngopu. Nange ziakople thom angkya kue lompu; ku zile pao ang taxtom!

⁹Ku thüntho ma hwome kam thale thomkya chak tokya ku sünle thom hüi, ibu chichang-chizangkya khünakbu zukambu chak tokya a.

¹⁰Ku a chemchu chithüile akaile lele changpongma chichang-chizangkya khünakbu hwom kambu ma alüile naxmankox.