Read Wancho Naga Münchuak-Tsai 146 Bible Online

Münchuak-Tsai 146 - Wancho Naga bible

Münchuak-Tsai 146

¹JOWANPA achuak kox! JOWANPA achuak kox, ku chasae!

²Ku ozün ma ngokya kople kue chix achuaküi; Tsünjang masule kue Zang achuakle tsai ngaoüi.

³Khünak lompabu to nang mongong chalom taxüi; khünak owaechu nang khosün ang müntho.

⁴Chemtue hwom ziüihex, hwom a haxbu hato wüi chatle; ija nyix hwom mongjang ashukkya ang changle.

⁵Hwom to fong ang owapange Jakop Zang koplaxle tüipuix, opange JOWANPA hwom Zang to onglaxpuix,

⁶ding-hi-hax tamchu tinu shinthuk anaolechu ibu ma tüikya pangwüi zingpupa to a, mongmüi mixbu a hwom changpu. Chixe jento chix kaxtsaobu thomle;

⁷chixe afangle tüikyabu chima sele kaxfün fale ilaxle woknuak mixbu ang süt koxle. JOWANPAe kople thomkyabu danle

⁸ilaxle miksut mixbu ang ngün ang tomle. Dütle ngoünkyabu chixe nwonle; chixe chix otsao khünakbu to mongkünle.

⁹Kem haxtok ma ngokya püntüibu kho chixe awale; chixe zomnu hia khaxsabu to asunle, ikoxlechu chichangchizangle tüikyabu a hwom müt lom to paole.

¹⁰JOWANPA a jento chongwangpa changpu. O Zaion, nang Zang-e jento apün-awangle ngoüi. JOWANPA achuak kox.