Read Wancho Naga Münchuak-Tsai 147 Bible Online

Münchuak-Tsai 147 - Wancho Naga bible

Münchuak-Tsai 147

¹JOWANPA achuak kox! Kem Zang achuakle tsai ngao angkya müihule; chix achuak angkya a ongan müikya tamchu sukya changpu.

²JOWANPAe Jerusalem zingle achat ngole; chixe zanda ang ngokyabu chatle apüile ngole.

³Chixe künmax-mongshanle ngokyabu amüile üntoxle hwom makbu to lople koxle.

⁴Chixe lyettsibu ibibi laxüile pangwüi akiak daoa ilaxle ibu pangwüi ang mamünmün koxle changdaoa.

⁵Kem Jowanpa a chongkya tamchu akhokya changpu; chix je-hwon a thüt ang müntsuak.

⁶Chixe puinaile changkyabu nwonle, ikoxlechu chichangchizangle tüikyabu haxkha to zutle akhixle.

⁷JOWANPA achuak-achenle tsai ngaokox; kem Zang achuakle thuaput-waxmai mütkox.

⁸Chixe zangding to zangfwombu chiakle; chaxwan tok to zangwat ang tomle ilaxle haxhuabu to hingzangbu nyem ang tomle.

⁹Chixe müibu ang osüt koxle ilaxle osüt jule ngaopongma chixe ola hosabu ang osüt koxle tuxle.

¹⁰Chix mongmüi a tsakle tüikya manbu füi münchang, chichangba chix mongzom müikya a mongchongle tüikya hilua naomüibu füi münchang;

¹¹ikoxle chix achuakle changkyabu füi chix ang mongmüile, ojao chithwonkya chix mongkün to mongong thomkyabu füi a.

¹²JOWANPA achuak kox, O Jerusalem! Nang Zang achuak kox, O Zaion!

¹³Chixe nang pan shingmongle ngo ang tomle; chixe nang khünakbu to mohimanle.

¹⁴Chixe nang longzipong kho-awale thomle üntoxle sümüikya wonglai tsax füi nang ang mongzom amüile.

¹⁵Chixe chaxwannu ang kaxtom koxle, ilaxle chixe akaxkya lebama wüi tsuakle.

¹⁶Nyinu pünkya ningle chixe junbu chiakle ilaxle haxbu lailaile chixe nyen-zangfwom chiakle.

¹⁷Saxfunbu lailaile chixe jun adütle; chixe ahüikya zangkong owaechu adu ang müntho!

¹⁸Ifüima chixe kaxtom kox, ilaxle junbu chule pao; chixe zangwinbu ahüi, ilaxle tibu jen ang tom.

¹⁹Chixe chix khünaknu hato chix kaxho fa, Israel khünaknu ang adangle fakya hia chix wanlombu kox.

²⁰Chixe mixjat-mixlibu hanpakma ile chimok; hwome chix wanlombu chitsing. JOWANPA achuak kox!