Read Wancho Naga Münchuak-Tsai 148 Bible Online

Münchuak-Tsai 148 - Wancho Naga bible

Münchuak-Tsai 148

¹JOWANPA achuak kox! JOWANPA achuak kox zangkangting tokhange, hünzom zangkho to ngokyabue.

²Chix achuak kox, chix kaxtaimixbu pangnusae, zangkangting tokya chix hilua-naomüibue.

³Chix achuak kox, lyetnu hia zanghanbue; chix achuak kox, nyanle ngokya lyettsibue.

⁴Chix achuak kox, zangkhotingbue, ilaxle zangding thak to tüikya tibue.

⁵Hwom pangnusae JOWANPA mün achuakle chang ang tomkox! Chixe kaxtom kox, üntoxle ibu zingle tsuak;

⁶chix kaxtom makhange ibu a othuithui hanpak ang onui ma amongle thom, ilaxle hwome kax ma chilaxle chichang tsuak.

⁷Chaxwannu tokhange JOWANPA achuak-achen kox, tinu mongto tüikya müinu-nyaxpabu hia molo-tinu mongto tüikya pangnusae;

⁸zangchangjep hia jun-long, haxnukho tokya jun hia zangfwombue, chix kax ma laxle tüikya zangwinbue.

⁹Haxhua hia haxnubue chix achuak kox, ozik füikya pünbu hia faobue;

¹⁰tsomkya hia faomüibu pangnusae, alyangle ahamkyabu hia osabue.

¹¹Wanghombu hia khünaknu pangnusae chix achuak-achen kox, wangcha-wanghombu hia apün-awangkyabu pangnusae wüi;

¹²naocha hia naosünbue, zunu-zupa hia naosombue chuwüi.

¹³Hwom pangnusae wüi JOWANPA mün achuak-achenle changkox! Chix mün mamabu pangnusa thakma achongkya changle; chix fuazangkya a chaxwan hia zangkho pangnu thak to tüile.

¹⁴Chixe chix jat-li tsak-zong ang tom, chix khünaknue chix achuak angkya hanpakma: chixe tüle mongkünkya Israel, chix khünaknue a. JOWANPA achuak kox!