Read Wancho Naga Münchuak-Tsai 22 Bible Online

Münchuak-Tsai 22 - Wancho Naga bible

Münchuak-Tsai 22

¹Ku Zang, ku Zang, nange ku büthüikoxle danle asampu? ku to fonghüile ku mongmaxle jaojao soppu, ikoxlechu ija ofong-otsox ojao chihüipu.

²Anyixningkya zangngai ma kue nang nyakpu, nang ku Zang, ikoxlechu nange tamchilanpu; kue zangnak ma nyakpu, ikoxlechu nazak chiatakpu.

³Ikoxlechu nang a Otsao Tuita ang tüntong ma thongle tüipu, nang a Israel noke achuakkya Zang changpu.

⁴Kwom pu-pa hwome nang to hwom mongong thompu; hwome nang to ongpu, üntoxle nange hwom khosünpu.

⁵Hwome nang nyakpu üntoxle ziama chak tokya khang azang ang koppu; hwome nang to ongpu, ilaxle hwom mong chiathopu.

⁶Ikoxle khünaknue thüi: “Chix a khünak münchang, ikoxle chong changle.” Khünaknue ku chie-chise üntoxle pangnusae awütpu!

⁷Ku angünngün pangnusae ku chanyipu; hwom pangnusae ku to sa üntoxle ngom awingpu.

⁸Hwome thüi: “Nange JOWANPA to onglax ngokox. Chixe nang kho büthüikoxle chisün? JOWANPAe nang to jangkünba, chixe nang to büthüikoxle chifong?”

⁹Ku puxle khangkho zangngaikya kople ku khosünle apüikya a nang changpu, üntoxle naosa ma tüipongma, nange ku khosünle zia kopthompu.

¹⁰Ku puxkya nyix makhange wüi kue nang to onglax ngopu, üntoxle nang a othuithuima ku Zang ang ngole hüipu.

¹¹Nang taxngo ku füi atsaile! thangnak a nuisox ma tüile, fongle fa angkya mix owangaxchu chitüile.

¹²Huzanpongbu lailaile zanpabu obiobie ku akhople koppu; hwom pangwüi ku akhople tüipu, Bashan nok tokya tüle shixkya huzanpongbu lailailea.

¹³Mailangbu lailaile hwome hwom wikhabu akapu, zadünle tse tamchu ku to khile hungale a.

¹⁴Ku janzüi a samdaoa, chaxwan tok to ti thokkya zople paopu ninglea. Ku zapong-kapong bakle atsaile changüna; ku okhax-omong a bakle shanle paoüna.

¹⁵Ku dingdua a labu ningle zanle zuadaoa, üntoxle ku le a kaxnat to atsamle myendaoa. Haxkozan to nange ku naxzilax ang danle toxkoxpu.

¹⁶Ochaxbu othom ku akhople tüile; hima zyem lailaile hwom ku hato süsox-süsox soxle hüi; hwome ku-cha ku-chak to khinle hu.

¹⁷Ku zatua abakle ngün ang tsuak. Ku zanpabue kuchi to mikjao chiajep le khinle hu.

¹⁸Hwome ku nyi bama nantak üntoxle ibu hwome ahanle lax.

¹⁹O JOWANPA, nang taxngo atsaile ku füi! Ku azün ang kangmomle nguihüi!

²⁰Changlo chak tokya ku azünhüi; ibu hibu chak tokya ku azünhüi.

²¹Ibu mailangbu chak tokya ku kop hüi Ku a fongfa angkya mix owa chitüile changtüi, ibu fao maihupongbu tunthoma-a.

²²Nange ku to chem mokpuix ija kue ku khünaknu hama wünüi; hwom tusox ma kue nang achuak-achenüi:

²³“Hünzom JOWANPA dapa hwom! Hünzom Jakop su-sa hwom, hünzome chix achuak kox! Hünzom Israel khünakbu, hünzome chix tong shwomkox!

²⁴Chixe chitüi-chinang wünhaile müntox, hwom sikngün to chihule müntox; chixe hwom hato tok münaho, asunhüile hwome chix sekya zuma chixe lanle.”

²⁵Nange chem mokdaopuix ija bama, khünaknu pangwüi asox pongma kue nang achuaküi; nang zangshwomkya khünaknu tunthoma kue tsaosaxdaokya töbu kue koxüi.

²⁶Chitüi-chinang khünakbue hwom mongzom ma müile saxüi; opang JOWANPA hato nguipuix hwome chix achuaküi. Hwom a othuithuima ahak-aluale naxtüi!

²⁷Chaxwan angkya pangnu jat-lie JOWANPA texle ataküi. Chaxwan pangnu chitokhange hwom chix hato chatüi; pangnu jat-lie chix tongshwomle changüi.

²⁸JOWANPA a wanghom changle, üntoxle chixe zangfang apünle.

²⁹Ongam füikya khünak pangwüi chix chitong ma akhuxüi; ziün angkya pangnue chix chitong ma akhuxüi.

³⁰Füichi naolie chix thothaüi; hwom füima hüingokya tsünthom füi hwome Jowanpa mo wünle akaxüi.

³¹“Jowanpa-e chix khünakbu khosünle” le mapux-mapaikya khünakbu hama apuaüi.