Read Wancho Naga Münchuak-Tsai 28 Bible Online

Münchuak-Tsai 28 - Wancho Naga bible

Münchuak-Tsai 28

¹O JOWANPA, ku khosekya mix, kue nang nyakpu. Ku sopkya zing apahüi! Nange ku kaxto chilan thüikoxle, Ku a amalum pan thaikyabu khato wom angkya changle.

²Nang otsao Zangshwom-Hom chito thale ku chak ajong laxle ofong-otsox lomle ku sop pongma atatle kop-hüi.

³Chichangchizangkyabu khato ku to thajaole hu ang taxtom, ochax mwot mokle ngokyabu füi tomle, opange tunmüi zangwünkoxlechu, mongkha ma miktsakkyae awangle tüipuix, ibu füi tomle a.

⁴Hwome chem mokdaolaxpuix ija khoma hwom ang sikngün laxkox, hwome mokdaokya ochax khoma-a. Hwome mokdaokya mwot pangnu bama hwom sikngün ang tomkox; hwome kopkoxle asule tüikya sikngün hwom ang laxkox.

⁵JOWANPAe chempang mokdaolaxpuix, ija hwome chingün, chixe chempang zingdaolaxpuix ibu hwome chingün; ikhoma chixe hwom ang sikngün koxüi ilaxle othuithui hanpak ang hwom oli thuüi.

⁶JOWANPA ang münchong fakox; fongmix lomle ku sopkya zing chixe atatdaoa.

⁷JOWANPAe kho-awa üntoxle wintuk-hanthale chang; kue chix to mongong thompu. Chixe ku to fong üntoxle ku ang mong amüi; Mongmüi tsaibu füi kue chix achuakpu.

⁸JOWANPAe chix khünaknu kho-awale kople; mae zünle kopkya wanghompa kho awalaxle chixe sünle kople.

⁹JOWANPA, nang khünaknu khosünhüi, opangpang nang kux hex ibu to mohimanhüi. Hwom chunnyetpa ang nang changhüi, ilaxle othuithuima hwom to humele changhüi.