Read Wancho Naga Münchuak-Tsai 4 Bible Online

Münchuak-Tsai 4 - Wancho Naga bible

Münchuak-Tsai 4

¹Ku to lanhüi kue zangjop pongma, O Zang, ku ziakople thompupa! Ku sikngünle ngopongma, nange ku to asunhüi. Athax ku to chingchahüi üntoxle ku zangjop to apahüi.

²Nang khünaknue ku chemtukux ajaole ngoüi? Nange laxli chitüikya to chemtukux mongkün tamchu chem thaipuix ija füito lengoüi? Selah

³Texle ataklax, otsao khünakbu a JOWANPAe chix kux ang zünle koppu, üntoxle kue chix nyakpongma chixe ku kax atatpu.

⁴Abünle zalax üntoxle ochax lyenle ngokya zaklax; ija bama zule ajangle anolax, dangjajale nang lyakhoma shuile ngopongma. Selah

⁵JOWANPA ang otsingtsing tö laxkox, üntoxle nang mongong chix ma thomkox.

⁶Ile zangjopkyabu tüihule: “JOWANPA, kwom ang mohiman onüi-onüi fahüi. Kwom to chingcha-jaja füi huhüi!”

⁷Ikoxlechu nange ku ang koxkya mongsom a hwome saxziak hia grep-ti makhange kopkya pangnu khüthak changle.

⁸Chemtue ku shuipuix, ku mongsomjale jippu; JOWANPA nang tataetix chem chabüt-lasün chitüile ku kho-awa thompu.