Read Wancho Naga Münchuak-Tsai 48 Bible Online

Münchuak-Tsai 48 - Wancho Naga bible

Münchuak-Tsai 48

¹JOWANPA a chongkya changle ilaxle chix a ding to achuak angkya wüi changpu, chix tingnu ma tamchu chix otsao haxkho ma.

²Zaion, Zang haxnu a tsuale üntoxle osün müile tüile; ija akhokya wanghompa tingnue chaxwannu hato mongmüi apüile.

³Tingnu mong angkya zanhunuibu ma chix ma chalomlule tüile le Zang-e ahodaoa.

⁴Wanghom wanghombu athüt üntoxle Zaion haxnu to sing ang ngui.

⁵Ikoxlechu chemtue hwome ija ngünpuix, hwom tüle abüt; hwom zalaxle fütle pao.

⁶Sheko mixnu tuita nao ngünüi khakha tüikya ningle, zangchei zangwat khato chunbu to single hüikya ningle,

⁷ikhato zakya hia sikngüne hwom akhople kop.

⁸Zang-e chem mokpuix kwome atatle, kem Zang, Khüthak JOWANPA tingnu ma athax kwome ngün ang kople; chixe tingnu a othuithuima chalomlu e thomüi. Selah

⁹O Zang, nang Zangshwom-Hom homkhato, kwome chizakkya nang mongkün ajangle laxle.

¹⁰Khünaknue pangnu khato nang achuakle, ilaxle nange zangzing zangfangja pangnu khato atatle. Nange sukya wanlom füi apünle;

¹¹Zaion tingnu angkya khünaknu ang mongmüi ang tomkox! Nange sukya kaxfün fakoxle; Judah angkya tingnubu ma mongmüi naxtüikox!

¹²Zang khünaknu, Zaion akhople ahamlax ilaxle zanhunuibu elax;

¹³katukbu to hulax üntoxle zanhu nuibu to wanlax, hünzome mainao ibu tsünthom hama wün angkya hanpakma:

¹⁴“Ija Zang a othuithuima kem Zang changle; mahüikya hanpak pangnu ma chixe kem lomzunüi.”