Read Wancho Naga Münchuak-Tsai 53 Bible Online

Münchuak-Tsai 53 - Wancho Naga bible

Münchuak-Tsai 53

¹Ongatbue mafüi alüile akaxle thüi: “Zang chitüikhato.” Hwom pangwüi chilaxli ang changdaoa, üntoxle hwome khomtsikya mwot mokdaoa; changkya mwot mokkya mix tuita ngaxchu mütüi.

²Zangkangting tokhange Zang-e khünaknu to asongle hule, je füikya mix owawa ngax ngün angchale, chix to shwomkya mix tuita ngaxchu tütüichasile.

³Ikoxle hwom pangwüie tok ahodaoa; hwom pangwüi tomwüi madaoa. Hwom khama khünak tuitae ngaxchu changkya mwot münmok, tuitae ngaxchu chimok khato.

⁴Zang-e atüi: “Hwome müntsingkox hia? Ibu ochax mwot mokle ngokyabu chemchu chitsingkyabu hia? Hwom a ku khünaknu tsangtse laxle ozün ma ngotüi, ilaxle hwome ku to otuechu chijopüi.”

⁵Ikoxlechu hwom chabüt-lasünle changüi, ilele otuechu tümachangtoxle, chemthüikoxle Zang-e chix khünaknu zanpabu zatua chiakle awüt angkya changle. Zang-e hwom chilaxle awütdao angkya changle, ikhoma Israel noke hwom to komkaile lüt angkya changle.

⁶Zaion makhange Israel noke lüt angkya hanpakma kue zangjoppu. Zang-e tamchatle hwom ahak-aluale tüi ang tomkya zuma Israel nok ang chemtukuxle mongmüikya tüiüihex!