Read Wancho Naga Münchuak-Tsai 55 Bible Online

Münchuak-Tsai 55 - Wancho Naga bible

Münchuak-Tsai 55

¹O Zang, ku zangjop to apahüi; kue chingchajaja jukya hato tok ahole taxpao!

²Ku to apalax üntoxle ku kaxto lanlax; ku a ku künthang-mongdang makhange azuk-atsyale maxüna.

³Ku zanpabue aza-anakya thoto ku a chabüt-lasünle maxle, chichang-chizangkya khünakbue afangle thomkyae ku thule akhünle. Hwome ku hato sikngün apüile; hwome ku füi mongtsikle üntoxle ku to miktsakle.

⁴Ku a chabüt-lasünle maxle, ilaxle mikmüt thamae ku thule akhünle.

⁵Zale abünkyae ku to mongle kopthomle; chabüt-lasüne ku to lütle hüile.

⁶Osu ningle kuma ozang tüikoxba müisedai. Ku pile paose ilaxle nazak ang kopsedai.

⁷Ku ochu to pile paolaxle ku hom sak-hax sung to zingsedai. Selah

⁸Tüle shixkya zangchei zangwat thoto nonokhaile kue nazaknui zaile bangsedai.

⁹O Jowanpa, ku zanpabu ang tsaikho-kaxkho asamle changkox! Kue tingnu ma tingwuk nokwuk dongkya ngünle,

¹⁰zangnak zangngai ija akhople, mik amütkya hia sikngün zolit awangle ngünle.

¹¹Pangnu khato wüi tupang-pünkyae awangle; tingjang lomnu a tata chasax-khuajokya hia dyen-ngankyae awangle.

¹²Ibu a zanpabue ku chanyikya hex thüikoxle kue adusedai.

¹³Ikoxle ija a nang, ku zuikhui, ku üitho üntoxle ku shemkhax changle.

¹⁴Kwome tata füi künzang mongzang wünle ilaxle tomtomle Zangshwom-Hom ma zangshwomle.

¹⁵Ku zanpabu a zitu manguiba wüi zi ang tomkox; amalumting to hwom ozün ma ka ang tomkox! Onu-oma a hwom homkha ma tamchu hwom mongkha ma tüile ngole.

¹⁶Ikoxlechu kue JOWANPA Zang ku to fong ang nyakpu, ilaxle ku kho a chixe sünüi.

¹⁷Swome, tungtoe, üntoxle zangnake ku kaxthup-ngaotün hia awaokya chix hato dongle, ilaxle chixe ku kaxzing atatlaxüi.

¹⁸Chixe ku tamchatle kuimüi-zangmale apüiüi tüle-tüle tüikya ku zanpabu füi ku azanle hüikya zan tuntho tokya a.

¹⁹Zang, owae oshuk-owang chitüile apün hüipuix, Selah chixe ku zing atatüi ilaxle hwom to anaoüi; chemthüikoxle hwome mong alüix ang chitsu, ilaxle hwom chix thua zakya chitüi.

²⁰Amipongkya ku zuikhuie chix zuikhui hwom to single hüi; chixe chix tsaosüt ama.

²¹Chix zangwünbu a müizao füi ngaxchu fi-fole, ikoxlechu chix mongkha to miktsakkya tüile; chix zangwünbu a münga füi ngaxchu alyakle tüikya, ikoxlechu ibue daxcha füi zütkya ningle zütle.

²²Nang künduk mongthang JOWANPA chak to danlax, ikoxle chixe nang khoseüi; chixe chemtuechu sukya khünakbu to lüt ang matomüi.

²³Ikoxlechu, O Zang, nange ibu mix mik amüt ngokya khünakbu hia khualop mixbu a zuk-kha to apüiüi, hwome tsünto ngaxchu ma-alopba wüi a. Ku hanpakma a, kue nang towüi mongong thomüi.