Read Wancho Naga Münchuak-Tsai 6 Bible Online

Münchuak-Tsai 6 - Wancho Naga bible

Münchuak-Tsai 6

¹JOWANPA, ku füi mong taxtsik tamchu ku to taxsa taxma! Nange ku sik tax-angün nang mongtsiktsik ma!

²Ku shanle paoüna, O JOWANPA; ku to chingchakya tüihüi! Ku a najao nale maxle, ku ang janzüi fahüi;

³Ku khüzün a komkaile zongbak sikngünle. Ku to fong nange chemtukux tan-ngoüi? O JOWANPA!

⁴Ngui üntoxle ku khosün hüi, nange JOWANPA, nang chingcha füi zikmüt-mangkho tokya ku khosünle.

⁵Ama-lumting to nang a texle chiataküi; ito owaechu nang achuak ang chithoüi.

⁶Mongmaxkyae ku shanle paoüna; jafokya to sopkya mikfi füi kulya shanüna; ku khangtyet a ku mikfi füi ashan thomdaoa.

⁷Kue mimima lanle ngünle; ku mikbu a fingsule tüile zanpabue ku mong asop thomkoxle.

⁸Ochax khünakbu shong-ngoün ku füi atsaile! JOWANPA ku sopkya atatatle.

⁹Fonghüile ku sopkya zing to chixe apaüi, kue zangjopkya to chixe lanüi.

¹⁰Ku zanpabu ang thünzak koplaxle mong to tsangle kaküi; khopi-napale hwom jwonle apaoüi.