Read Wancho Naga Münchuak-Tsai 62 Bible Online

Münchuak-Tsai 62 - Wancho Naga bible

Münchuak-Tsai 62

¹Zang-e ku khosünle kop angkya hanpakma adule tanngopu; kue chix totix onglaxle ngopu.

²Chix tatae tix ku kho awale koppu; ku ziakople thom angkya chix tata wüi, ilaxle ku to otuechu münlütüi.

³Tsawat obui tukuxle ngaxchu tsak-zong chitüikya khünak owawa zan to hünzom chemtukuxle kale ngolaxüi?

⁴Nange chix achuak-achenle ngokya chifün angkya athaile ajose tsuwüi; nang mongzom kaxthai zangwün to müiwüi. Nange tun ma mohiman kaxhuakbu akaxle, ikoxlechu nang mongkha to chix to thuakzomle changle. Selah

⁵Kue Zang tata to mongong tüipu; kue ku monghom chix ma thompu.

⁶Chix tatae tix ku kho awale koppu; ku ziakople thom angkya chix tata wüi, ilaxle ku to otuechu münlütüi.

⁷Ku khosün hia münchong Zang füifüi; chix a ku kho-awapa changle chongkya janzüi füi; chix a ku zakzui angkya nui müikya changpu.

⁸Ku khünaknubu, jento Zang to mongongkya tüikox. Hünzom tingtui pangwüi chix hama wünkox, chemthüikoxle chix a kem khangkhomnui changle. Selah

⁹Khünak mixsa a tuita zakfaox wünkhut ningle; chongpuix hipuix pangwüi muakya changle. Chem thakhochu chingui ibu tuak ma thütle ano koxle; ibu a mütle alaikya zak füingaxchu chale.

¹⁰Changnong-pünthomkya to nang mongong taxthom; ahux-alop laxle tütali olüi kopüile taxthüt; nang okop-olwot ma tüle ahak-achakle tüikoxlechu, ibu to taxong.

¹¹Tsakzong a chix kux changpule Zang akaxkya kue obithomthom ma hex atatdaoa

¹²üntoxle chix mongkün a ojem chifünkya mongkün changle. Jowanpa, nange nang lualuale, pangnusa angwüi ma mwot ma thütle hingho fale.