Read Wancho Naga Münchuak-Tsai 63 Bible Online

Münchuak-Tsai 63 - Wancho Naga bible

Münchuak-Tsai 63

¹O Zang, nang a ku Zang changpu, ilaxle kue nang sungpu. Ku khüzün pangnue nang zaopu; zuazoxkya, shanle tamchu tizanle paoünkya haxtok lailaile, ku chasa nang zaoe dingdua zanle.

²Kue nang otsao zangshwomnui ma ngün ang tomhüi; nang chemtukuxle janzüi füi tamchu fuazangle ngopuix, ija kue ngün ang tomhüi.

³Ojem chifünkya nang mongkün a khüzün füi ngaxchu sümüikya changpu, ikhoma kue nang achuakpu.

⁴Ku ozün ma ngokya kople kue nang mün achuaküi; nang hato zangjople kue ku chak nwonüi.

⁵Ku chasae fongsaxüi ilaxle mongzom müikya tüiüi, ilaxle kue nang hanpakma mongmüi tsaibu ngaoüi.

⁶Lya ma shuile ngopongma, kue nang texle ataküi; zang angaile kue nang bama ajangpu,

⁷chemthüikoxle nang a jento ku to fongmix changpu. Nangkui-nangzang khungto ku mongmüi to tsai ngaopu.

⁸Kue nang to khexpu, ilaxle nang chak füi ku kople thompu.

⁹Ku lang angle tungle ngokyabu, hwom a amalum fangto juüi.

¹⁰Hwom a zan ma langüi, ilaxle hwom mang a shwonbue saxüi.

¹¹Zang-e chix ang lüt ang tomkoxle, wanghompa ang mongmüiüi. Zang mün male tsaosaxkyabue chix achuaküi, ikoxle atsekya mixe ma wikha a huxüi.