Read Wancho Naga Münchuak-Tsai 76 Bible Online

Münchuak-Tsai 76 - Wancho Naga bible

Münchuak-Tsai 76

¹Judah angkya khünakbue Zang awanle; Israel angkya khünakbue chix achuak-achenle.

²Chix a Jerusalem ma chix hom tüile; chix a Zaion haxnu ma ngole.

³Ikhato chixe zanpabu sanhap apakle awütle, hwom di hia changlobu chuwüi, changle, hwom chang-pax pangwüi. Selah

⁴O Zang, nang a chemtukuxle fuazangle tüipuix! Nang zanpabu to lütlaxle haxnukho tokya chatkya zuma nang chemtukuxle zaxzangle tüipuix.

⁵Mongchongkya hwom süpahibu tui komle pao ilaxle athax hwom a ojip alanle jiple ngole; hwom janzüi hia awan-atsingkyabu laxli tuita ngaxchu chitüi.

⁶O Jakop Zang, chemtue nange hwom aza-anale changpuix, man hia ibu khoma ngakyabu pangwüi dütle zi.

⁷Ikoxle JOWANPA, nang thua a pangnusa wüi zale. Nang ngwotnui ma owachu ajong ang chitho, nang mongtsikle changpongma a.

⁸Zangkangting tokhange nange nang kaxfün tsingle lax ang tom; chaxwannu a zalaxle dangle ngo,

⁹chaxwannu angkya afangle thomkyabu pangwüi azün ang, kaxfün ngai ang nang ajong pongma a. Selah

¹⁰Khünak mongtsik makhange süchongchongle mix nang achuak-achen angkya ngai; zantam angkya azangkyabue nang pangpwonbu thomüi.

¹¹Nange chem tsaosaxle changdaolaxpuix ija JOWANPA nang Zang ang laxkox; nuisox tokya jat-li pangnusae chix hato hinghobu apüile changkox. Zang-e pangnusa angwüi chix thuaza ang tomle;

¹²ongam füikya wangchasabu puinai ang tomle ilaxle chongwanghombu thua zale tüiang tomle.