Read Wancho Naga Münchuak-Tsai 84 Bible Online

Münchuak-Tsai 84 - Wancho Naga bible

Münchuak-Tsai 84

¹JOWANPA Khüthak Zang, kue nang Zangshwom-Hom to chemtukux mongkünpuix!

²Ku ikhato ngosele chemtukux texpuix! Ku a JOWANPA Zangshwom-Hom ma ngose tsule.

³Otsak osabue ngaxchu ozopbu zingdaoa, üntoxle za-ngo-pakpe osabu ang chuwüi hwom hombu tüile; hwome hosabu nang tö-tsap zui ma thom, Khüthak JOWANPA, ku wanghom üntoxle ku Zang.

⁴Nang Zangshwom-Hom ma ngokyabu mongmüi chemtukuxle chongpuix, othuithuima nang achuakle tsaingao lanle. Selah

⁵Nang makhange opang hato tsak-zong hüipuix ibu mongmüi huanu changle, hwom a Zaion Haxnu to Zangshwom-Hom ma Zang sünngün ang paosele mongtsu.

⁶Hwome Baka haxcha haxkozan akaile lepongma, ija a shuasa jajenbu tüikya nui ang achangpao; tsosa zangwate tüküibu ti füi awangle tox.

⁷Hwom paole ngopongma sisile tsak-zong tüile chang; hwome Zaion ma baozangbu thak angkya Zang ngün ang kopüi.

⁸Khüthak JOWANPA, ku zangjop to apahüi. Apahüi, O Jakop Zang! Selah

⁹Kwom wanghompa to mohimanhüi, O Zang, nange kamle kopkya wanghompa a.

¹⁰Nang Zangshwom-Hom ma nyix tuita alyetkya a ojongjong to zangpua hajat tuita alyetkya füi ngaxchu sümüikya changle; chichang-chizangkyabu hom ma ngokya füi ku Zang homtho zünkai ma wüi ngose tsule.

¹¹Chingchajaja hia achuak-achenkya füi kem to mohimankya JOWANPA a kem kho-awapa tamchu fuazangkya chongwangpa changle. Sukya mwot mokle changkyabu ang mokle fa angkya Chixe müikya oli tütali tochu münle münthüi.

¹²Khüthak JOWANPA, nang to mongong thomkyabu chemtukux mongmüi mixbu changpuix!