Read Wancho Naga Münchuak-Tsai 88 Bible Online

Münchuak-Tsai 88 - Wancho Naga bible

Münchuak-Tsai 88

¹JOWAN Zang, ku khosünpa, han ahomle ku soppu, ilaxle awünningle ku nang hato hüipu.

²Ku zangjop atat-hüi; fonghüile ku sopkya zing atatlax!

³Ku dingma sikngün huanu dütle tüile ikhoma ku zi angkya hato soxle tüile.

⁴Ku chuwüi zik chwonle tüikya khünakbu lailaile; ku tsak-zong komle samdaoa.

⁵Ku a lwompubu khato awütle toxdaoa; ku a dingsom daokyabu hwom zuk-khato anguakle thomdaokya ningle, opange nange komkaile alakle asamdaopuix, opang nange fong angkya chakza to tüipuix.

⁶Nange ku zuk-kha azukya khato tswonle awüt zangnak hia tüle zule tüikya tswomkha to.

⁷Nang mongtsik ku khangkho ma lixle tüile, ilaxle ku ija tichap fangto thule akhixle awüt. Selah

⁸Ku zuikhuibue ku awüt angkya a otua nange alaipu; nange ku a ibu zongto tsuimix ang achang. Ku a hakle thom ilaxle pao ang chitho;

⁹sikngün makhange ku mikbu ashole max. JOWANPA, nyixfokya to kue nang nyakpu ilaxle nang to zangjople ku chakbu nwonpu.

¹⁰Ziünkya mix hanpakma nange ohünotün mwotbu mok ang chami? Hwom zolaxle nang achuak ang chami? Selah

¹¹Chizakkya nang mongkün bama zuk-kha tokhange wünzaichami chichangba chialekya nang mongong bama thamakya onui tokhange wünzaichami?

¹²ija zangnakya nui to nang ohünotün mwotbu ngünzaichami? Alakle asamkya onui tokhange nang müikya texle atak ang chami?

¹³JOWANPA, kue nang ku to asunhüile sepu; nop-fokya to kue nang to joppu.

¹⁴JOWANPA, nange ku büthüikoxle awütpu? Nange ku hato tok büthüikoxle ahopu?

¹⁵Ku naosa ma tuipong tokhange, ku sikngün sikngünle zik suale hüipu; nange fakya sikngün hünlitbu tokhange ku ang zoshunle.

¹⁶Za-adünkya nang mongtsike ku zutle akhünle; khomtsikya nang zansinge ku olithule amütle.

¹⁷Tichen-mualyem lailaile han ahomle hwome ku akhople thomle; pangnu chitokhange hwom ku hato asunle.

¹⁸Nange, ku zuikhui shemkhaxe ngaxchu ku danle tox angkya suale, ikhoma ku üitho ang zangnaknu tix changle.