Read Wancho Naga Münchuak-Tsai 90 Bible Online

Münchuak-Tsai 90 - Wancho Naga bible

Münchuak-Tsai 90

¹O Jowanpa, nang a jento kwom hom ang chang.

²Haxhuabu zingle alaiüi thoto wüi chichangba chaxwannu zingle alaiüi thoto wüi, nang a oshuk-owang chitüikya Zang ang ngole hüi, ilaxle othuithuima Zang ang ngo angkya changle.

³Kwom chem changkya hex ija hato chatle chat angkya nange kwom füi akax; nange kwom tamchatle haxbu ang achang.

⁴Zangpua hajat tuita a nang zongto hanpak nyixta ningle; ibu a leünkya münyix lailaile, zangnak fang ma noxtakya hanpak ningle.

⁵Tichen mualyem lailaile nange kwom nwonle pao; kwom a wünmang tukux ngaxchu okuilole chingo. Kwom a swomsae ochei chuikya hingzang ningle,

⁶oja tsong üntoxle opua puale changpuix, ikoxlechu ibu hansong thoma zanle zile nui.

⁷Kwom a nang mongtsike amadaoa; nangshix-nangmakyae kwom khomtsi ang tomle.

⁸Kwom huxsa ochaxbu nang ngün ang tsuakkya li ma, nange kwom ochaxbu nang pomtho ma dan.

⁹Nang mongtsike kwom tsün amoxle; huxsa ma zangwünkya lailaile ija samle pao.

¹⁰Zanglao puzombün pong a kem pangwüi ang tüikyajao: keme ma okak-obwot chitüile jangchang zanglao puli pong; ikoxlechu ibue kem ang tingtui hia mongma koxpu wüi; tsün ashukpu, kem paopu.

¹¹Nang mongtsik komkaile owae apongle laxdao? Nang shix-makya thuazale chang koxle chem ahüiüihex owae tsingle ngo?

¹²Kwom jetüi-hwonlangkya mix ang naxachang kwom tsün a chemtukux moxle tüipuix ija kwom hama anwot-anole fahüi.

¹³Nang mongtsik a chemtukux okuilole ngo angkya? JOWANPA, nang dabu to chingcha tüihüi!

¹⁴Kwom tsün ma mongmüi üntoxle tsai ngaole tsuak angkya kuxma, nop-fokya to kwom chithwonkya nang mongküne awangle tüi ang tomhüi.

¹⁵Kwom tsün ma sikngün apongle ngokya tukma, nange kwom ang chemtukux mongtsik koxdaopuix athaxpi itukuxle mongmüi fahüi.

¹⁶Nang dabu, kwome chongkya nang mwotbu ngün ang tomhüi; kwom su-sa hwome nang fuazangkya tsak-zong ngünle lax ang tomkox.

¹⁷Jowanpa kwom Zang, nang mohiman kwom füi ngo ang tomkox. Mokkya mwottho pangnu ma kwome tho-lün ang tomhüi!