Read Wancho Naga Münchuak-Tsai 97 Bible Online

Münchuak-Tsai 97 - Wancho Naga bible

Münchuak-Tsai 97

¹JOWANPA a chongwangpa changle! Chaxwannu, mongmüikox! Tinu mong tokya shuazobu, hünzom ang mongmüikox!

²Zangfwom hia zangnake chix akhoplaxle tüile; chixe otsao hia sukya kaxfün füi apün-adaüi.

³Wün chix tunthoma le le ilaxle chix akhople tüikya chix zanpabu zokle ashunle.

⁴Chix zangchangjep füi chaxwannu zang angaile; ija ngünlaxle chaxwannu abünle zale.

⁵JOWANPA tunthoma haxnubu a müizao lailaile chule paole, chaxwannu pangnu Jowanpa tunthoma.

⁶Zangdinge chix otsao apukle, ilaxle pangnu jat-lie chix fuazang ngünle.

⁷Chapa shwomkyabu pangwüi zakkop ang tomle; baozangbu pangwüie JOWANPA tunthoma akhuxle.

⁸Zaion angkya khünaknu mongmüile, ilaxle Judah angkya tingnubu pwonla dongle JOWANPA, nang kaxfünbu khoma a.

⁹JOWANPA, nang a chaxwannu pangnu apünkya Khüthak Zang; nang a baozangbu pangnu füi ataitoxle chongle.

¹⁰JOWANPA chixe ochax thua anukyabu to mongkünle; chixe chix khünaknu khüzün kho-awale thomle; chichang-chizangkyabu tsak-zong chak tokya chixe hwom azünle thomle.

¹¹Otsao khünakbu to zangngaie fale, ilaxle müikyabu to mongmüie awangle.

¹²JOWANPA chempang mokdaolaxpuix ibu khoma hünzom opang otsao hex pangwüi mongmüikox! Otsao Zang-e mokdaokyabu texle atakkox, ilaxle chix ang münchong fakox.