Read Wancho Naga Wanwünkax 13 Bible Online

Wanwünkax 13 - Wancho Naga bible

Wanwünkax 13

¹Jetüi-hwonlangkya naosombue manu-mapae achangle koxpongma nathale apale, ikoxle künkhüi-mongdüibue hwom thaikya ang thaile le münthüi.

²Müikya khünakbue hwom zangwün müikya khoma hingho kopüi, ikoxle mixdyen-mixlale tüikya khünakbu a changnong-pünthomle tüisele dingdua zanle.

³Nange chem zangwünpuix ija bama khünzailax ilaxle nang khüzün awale koplax. Füitui texkya chitüile zangwünkya khünake ma max angkya atakle.

⁴Zaxkak mixe tütali laxsele chemtukux chu sungle naxtüi, chixe ija chemtuechu münkop. Azongle mokkya khünake chixe alomlom pangwüi atak tsuaküi.

⁵Chithaikya khünake atsekya thua anule, ikoxle chichang-chizangkya khünakbu zangwün a zakkop ashukle tamchu chingcha jao chitüile changle.

⁶Otsaoe chem oma chitikkyabu kho awale; chichangchizangle tüikya a ochax khünakbu hanpakma hwom athomle adüt angkya olom changpu.

⁷Züizüi khünakbue atsingle hakpa-luapa ningle ahole, ikoxle hwom ma chemchu chitüi. Mamabue atsingle chitüi-chinang mix ningle ahole, ikoxle osho-jawan hwom kux ang achang.

⁸Hakpa-luapabue hwom ngun-syen a hwom khangkho sün ang twon angkya changle, ikoxle chitüi-chinangkya khünakbu a owaechu chiaza.

⁹Otsao khünakbu a fale zang angaikya wünzung ningle changpu; chichang-chizangkyabu a wünchua chitüikya wüntik ningle changpu.

¹⁰Künngam-mongngame tingtui adünkya boma chemchu münalan. Anwot-anole fakya lomkya a jetüi-hwonlangkya changpu.

¹¹Nange tuina chemtukuxle chwonpai ma kople laxpuix, itukuxle chwonle nange ija amütdaoüi. Nange chemtukuxle thang laxle ija atakle laxpuix, itukuxle nang ang tuina sülui le tüiüi.

¹²Chemtue monghom thule akhünpuix, mong thule akhünpu, ikoxle ile changle hüi angkya mongtexe nang ang mong amüile.

¹³Nange müikya zünkax-saikax to chiapa, nange sikngün angkya lompu; ija kax ma laxle tüilax jangchangba nang kho azangpu.

¹⁴Jetüi-hwonlangkyabu hwon-nwot jaono a khüzün tümik changpu; nang thama ma tüipongma ibue nang to azangle tsuak ang tomüi.

¹⁵Jetüi-hwonlangkyae chathua zakya kople, ikoxlechu mongong angkya chitüile ngokyabu a olithu angkya lomtang ma tüile.

¹⁶Khünzaikya khünakbue tütue chu moküi thoma ajangle kople, ikoxle ongatbue hwome chitsing-chiwankya khuapule.

¹⁷Ong angkya chitüikya kaxhomixe tingtui adünle, ikoxle mongong tüitsuakkya khünakbue mongsom apüile.

¹⁸Owae awanle chilax laxpuix, chix a zasa tamchu chingchajaja chitüikya mix changpu. Achangle fakya to owae apalaxpuix, ija mix chathua zakya tüiüi.

¹⁹Nange laxsele lomkya ataktsuakkya chemtukux müipuix! Ongat khünakbue ochax tokya münchatpule angamle.

²⁰Jetüi-hwonlangkya khünakbu füi zuikhui zinglax jangchangba nang jetüi-hwonlangkya mix ang achangüi. Nange ongat khünakbu füi zuikhui jangzing thüiningle nange thama ataküi.

²¹Pangnu lom towüi tingtuie ochax khünakbu mantole, ikoxle otsao khünakbue hingho müikya oli kopüi.

²²Müikya khünakbu ma hwom su-sabu chak to tox ang tuina tüiüi, ikoxle ochax khünak tuinabu a otsao khünakbu chak to dongüi.

²³Chimo-chizangkya haxtoke mixshix-zasabu hanpak ang huanuma puamün ang tomüi, ikoxlechu chisu-chitangkya khünakbue ibu chimo-chizang homle dantoxle.

²⁴Nang ma naosom to zünsaile chichang, nange hwom to mong münkün. Nange hwom to mongkünle jangchang, nange hwom zünsaile achangüi.

²⁵Otsao khünakbu ang süt okhonguile tüile, ikoxle chichang-chizangkyabu a jento woknuak ma ngole.