Read Wancho Naga Wanwünkax 24 Bible Online

Wanwünkax 24 - Wancho Naga bible

Wanwünkax 24

¹Nange chichang-chizangkya khünakbu to osingkya taxtüi, tamchu hwom füi zuikhui zing ang taxazong.

²Hwom mongjang ma mixtha ama angkya boma chemchu müntüi; hwome tun akhaole jangchangdao thüiningle owawae thama apong angkya wüi.

³Homkha a je-hwon hia tsing-wankya chifün matix zingpu.

⁴Jetüi-hwonlangkya khato nuiluabu a thanu-juapa füi osüi müile aza-apuale changüi.

⁵Jetüi-hwonlangkya a tsak-zong füichu sümüi; changle, tsak-zong füi je-hwon wüi achongkya changpu.

⁶Azanüi thoma nange zanhok bama ziakop müile zing angkya changpu, ilaxle nange chemtukux müikya zünkax-saikax koppuix, itukuxle nange lüttsuak angkya olom atakpu.

⁷Jekax-jengao a ongatbu zongto tsingle lax ang chithole tüile. Laxli zangwünle changpongma hwome lan angkya oli tuita müntüi.

⁸Nange jento ochax mwottho zingle jangngo thüiningle, nang mün a tuita thama adün ngokya mix ningle lünüi.

⁹Ongatbu mwottho tütalichu ochax changle. Chix ma chemngax chitüi ikoxle mix to kaxma thüilanle ngokya mix thua nok wüi anule.

¹⁰Khosam apong pongma nang shonaile jangchang, nang a shonaikya mix jaojao.

¹¹Thaikya chitüikya mix owawa mik-amüt ang thüikya azün angkya bama cha-ao-mongaokya taxtüi.

¹²Nange ija a ku mwot jao münchangle thüi ang tsuak, ikoxle Zang-e awan-ngole ilaxle chixe nang mongjang bama kaxfün fale. Chixe nang to nyele hungole; chixe awan-ngole. Ilaxle nang mwot füifüi to chixe nang to mohimankya tüiüi.

¹³Ku sa, nax-ti saxlax; ija a müile. Üntoxle otidwon angkya nax-ti nang le zongto chemle tipuix,

¹⁴ija lailaile je-hwon ang chasa zongto amüikya changpu, ija bama nang khosam angkya jao münchang. Je-hwon koplax ikoxtix nang füichi tsün zangngai ma ngoüi.

¹⁵Thaikya chemchu chitüikya khünakbu hom tsui pao angkya mwottho zingle ngokya chichangchizang khünakbu ningle taxchang.

¹⁶Thaikya chitüikya khünakbu obithom ma nguakpuix, ibithom ma hwom chatle zole; ikoxlechu chichang-chizangkya khünakbu thama chak to maxle.

¹⁷Nang zanpabue thama apong pongma nang ang mong taxmüi, ilaxle hwom chikho-suale changpongma nang ngadongle taxchang.

¹⁸Nang ang ngadongle changkya JOWANPA awanle laxüi, ilaxle chix zongma ija chimüikya ang changüi; ilaxle chixe hwom ang sikngün apong ang chitomle chu changtsuak.

¹⁹Ochax khünakbue nang abüt-abanle ngo ang taxtom; ibu to zalole taxchang.

²⁰Chichangchizangkya khünak tuita ang füi chifün müikya müntüi: mongchongle hungo angkya chemchu müntüi.

²¹JOWANPA chathua zakya tüikox, ku sa, ilaxle wanghompa achuak-achenle changkox. Ibu füi apüile ajongkya khünakbu füi mok-mo angkya chemchu taxtüi;

²²iningkya khünakbu a jantakya bama wüi olithule chang ang tsuak. Zang-e chichangba wanghompa-e thama adün ang tho angkya nange texle atakchami?

²³Jetüi-hwonlangkyabue ijabu chuwüi akaxdaoa: Masüi-mixlüi le kaxfün fa angkya a sukya münchang.

²⁴Hwome thaikya mix chithaikya ang achangle jangngai, thuakzom hwome kopüi ilaxle noknusae hwom thua anuüi.

²⁵Ikoxlechu thaikya mix to sikangünle changkya kaxfünpa a ahak-aluale tüiüi tamchu müikya mün füi ngoüi.

²⁶Kaxlan ma chithaikya a zuikhui otsingtsing münwan changpu.

²⁷Nange haxtok achwonle machang tanto tamchu kako tuxtang kop-lo angkya olom tüile le machang tanto nange hom-hax zaile hia kako tanle taxchang.

²⁸Otsingtsing tsaitong-kaxza chitüi thüiningle mix bama kax ngaikya taxtüi, chichangba hwom bama ochei lom to zunle alyet angkya oli tüi ang taxtom.

²⁹“Hwome ku to chemle mokpuix ija ningle kue hwom tochu mokle faüi! Kue hwom to olüix khomüi!”, le taxthüi.

³⁰Zaxkak mix angapa hwom haxtok, saxthwomkya hia grep alaikya zangdom akaile ku lenodaoa.

³¹Ibu a kongbüi-zu hia hingzange alum laxle tüile. Ibu akhople zaile tüikya long katuk komkaile nguakdaoa.

³²Kue ija to hule ano, ija bama ajangle ano, ilaxle ija makhange kue oli tuita tsingang kople:

³³Khaxa hidaole shuilax üntoxle jiplax. Chak kün üntoxle hidaole nazak laxlax,

³⁴ikoxle nang jiple ngopongma, chang-chang-paxle hüikya ahuxmixbu ningle otui-onuake nang to single hüiüi.