Read Wancho Naga Wanwünkax 9 Bible Online

Wanwünkax 9 - Wancho Naga bible

Wanwünkax 9

¹Je-hwone she hanpakma hom zaile ilaxle ija hanpakma thong anüt zaile.

²Pangpwonle fongkha ang she-e müi lang, tüle müikya jubu lang, üntoxle fongsüt tsap achwon.

³Alixachong ngwotnui tokyabu ahyen angkya hanpakma she-e tingnu to she dacha tsanle apao:

⁴“Nguihüi, chemchu chitsingkya khünakbu!” Ilaxle she-e ongat khünakbu angchu thüi:

⁵“Nguihüi, ku fong saxlax ilaxle kue langkya jubu linglax.

⁶Chemchu chitik-chiwanle changkyabu füi ngokya dantox dao. Jetüi-hwonlangkya lomtang ma ahamlax.”

⁷Nange kax ma chilaxkya khünakbu achangle fa ang jang azong, nang thajaokya tüiüi. Nange ochax khünakbu to sa-male jangchang, nange mongma kopüi wüi.

⁸Kax ma chilaxle tüikya khünakbu to otuechu achang ang taxazongzi; ija khokho ma hwome nang to miktsakkya tüiüi. Ikoxlechu nange jetüi-hwonlangkya mix to achangle fakya jangtüi, hwome nang chathua zale changüi.

⁹Jetüi-hwonlangkya khünakbu füi nang chem akaxpuix, ijae hwom sisile jetüi-hwonlangkya mix ang achangüi. Nange otsao khünakbu füi chem akaxpuix ijae hwome tsing-wankya to janbo langkya ang changüi.

¹⁰Jetüi-hwonlangkya mix ang achangüi thoma nange pongwang ma JOWANPA to achuak-achenkya tüi angkya oli. Nange Otsaopa awanle jangchang thüiningle nange tsing-wanle changüi.

¹¹Je-hwone nang tsün to zangpua-e bole changüi.

¹²Jetüi-hwonlangle jangchang thüiningle olüi kop angkya mix ang nang changüi, ikoxle ija chilaxle jangchang thüiningle sikngün apongkya mix ang nang changüi.

¹³Ongat-ongüi a tuita zakzak chitüile akhong-akha ngokya chemchu chitsingkya mixchanu ningle changpu.

¹⁴She a she hom fülom ma ngole chichangba tingnu ma achong-abongbu ngwotnui ma thungle,

¹⁵ilaxle mamwot-makatbu ajangle ngokya, le-zyenüi khünakbu to sele akhong:

¹⁶“Nop-hüi, chitik-chiwankya khünakbu!” Ongat-onguibu ang she-e thüi:

¹⁷“Ahuxle lingkya ti wüi sütipu, ahuxle saxkya an wüi süzaopu.”

¹⁸She kax ma laxkyabue she hom to anguingui a mik max angkya atakle le chitik. Opang nopdao laxpuix ibu a amalumting to zudakle ngoüna le chitik.